ودي احضـر جـوازي وادورلـي خـوي

[الصقار]

مايبرد واهـج الشـوق وشعـور الهيـام
غير سرداً تطوي البعـد بالسرعـه طـوي
بديها من خلف ماهوب مثلـه مـن امـام
مستوي في حال .. وبحال ماهو مستـوي
خشمها عبرود طلقه .. وموخرهـا بهـام
رافعـه راعـيـه بـأشـارة ٍ ماتنـغـوي
لابدو دعاء السفر .. واعلنو ربط الحـزام
ورشادات الامن لـو ترتطـم والا تهـوي
واستلمها واحـد ٍ خبرتـه عشريـن عـام
كبتـن ٍ بالله وبكتابـه إيمـانـه قــوي
مسلـم ٍ عنـده خبـر بالحـلال وبالحـرام
جابله ربي على الديـن وسلوكـه سـوي
وصعدت مثل اشقر ٍ فوق جول الصيد حـام
لمراوحهـا مـع الجـو لجـه وحــدوي
مثل مايدوي صدى صـوت رعـاد الغمـام
صوتها صـداه عبـر الفضـا يـدوي دوي
صنعة اللي ماعرفـوا لاصـلاة ولاصيـام
شعب ٍ أكثرهم ماهو عـارف ٍ منهـو ذوي
بالنهـار لياتعلـت كبـر فـرخ الحـمـام
دونهـا الاف المسـافـات تزويـهـا زوي
وان تغطلس بينك وبيـن رؤيتهـا الظـلام
كن في روس اجنحتهـا مشاهيـب بـدوي
دوبهم دكـو عـن دلالـه الربـع الحشـام
تحتها من وقـدة السمـر جمـر ٍ مجثـوي
دايم وربعه علـى جلسـة ٍ عنـده حيـام
ابلـج ٍ ليـن جنابـه لربعـه وحـمـوي
مالي الا هي .. لياجـا للاشـواق أحتـدام
وقامت الذكرى على القلب تكوينـي كـوي
لي شهر وشوي عينـي محاربهـا المنـام
ودي احضـر جـوازي وادورلـي خـوي
بينـي وبينـه مسافـات وحـدود ونظـام
واحـد ٍ فرقـاه شاويتـن فـوادي شـوي
بس ابـا ازوره مثـل مايـزارون الكـرام
لين عيني مـن قبالـه وشوفـه ترتـوي
لو بغيت اصبر .. واكابر .. واقول اني تمام
ذيب حبه بيـن جـرد المحاديـب يعـوي
كان مالي في دروب الهـوا شـف ومـرام
لين شفته .. واشهد انه هـواة المهتـوي
ياسـلام الله علـى السلهمـه والابتسـام
وياسلام الله على اللـي مابيلـه مطـروي
كن مالله حط في منطقـة خصـره عظـام
وكن غيره ماحتوى مثـل ماهـو محتـوي
لاقعـد مـاوده يقـوم .. ولياقـام قــام
تلوي اعناق البشـر قومتـه يمـه لـوي
تقل بين اعلا الجسم واسفل الجسم انقسـام
شي من جسمه مرتـب وشـي ٍ فوضـوي
استلمنـي فـي جبروتـه اشـر اسـتـلام
ليـن طيّـح معنويـات راس المعـنـوي
الغـرام ليابطـش فيـك ملعـون الرسـام
مايعرف هـذا قبيلـي .. وهـذاك خلـوي
يكبـر الرجـال امـام المهمـات الجسـام
ويصغر الرجـال امـام الجمـال الانثـوي
مايتحمل نظرة العيـن .. وارخـاي اللثـام
لو باسه باس رحمـة حيـاة بـن جلـوي

لافي الغيدانــــــــــــي

[الصقار]

طيب خوذو هاذي هديه ....لنفس الشاعر \لافي الغيداني
اقبـل يحـرك خـطـوة الـرجـل بـرفـوق
والـقــاع لمـصـافـح خـطــاه يـتـشـوق


مخـلـوق لكـنـه مـاهـو بــأي مخـلـوق
عـلــى بــنــات آدم وحــــوى تــفــوق


عليـه لبـس ٍ يجمـع الوسـع والضـوق
موسـع ٍ بعضـه .. وبعـضـه مـضـوق


مــر .. وتـعـدا مـابـدا مـنـه مـنـطـوق
الا انـــه بـجـيـش الـمـفـاتـن مــطــوق


خلاني امشي واقضـب الـدرب واتـوق
مـانــي بـتـايـق عـقــل لـكــن مــتــوق


تقووول مرمي ٍ على الارض من فوق
والا مــن الـسـم ﴿السقـطـري﴾ مــذوق


يغفـى عـلـي شــوي وشــوي ٍ افــوق
واقـــول لاستيـقـضـت والــبــال روق


مــدام لامـعـوق والا صـايـبـه عـــوق
وررررراه يمشي مثل مشـي المعـوق


اللي على حاله خطر مـن هـل السـوق
مـفـروض يمـنـع مـايــروح يـتـسـوق

[سعود المسعودي]

ابن هندي



صح لسانك وصح اختيارك المميز




اختيار موفق واكثر من رائع




تقبل مروري





ودمت بكل ود

[الصقار]

اسعدني مرور ك ياصقر ....اليوم مادري وش فيني متهيض ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دمت بخير

[خلف الغريب]

شكرا لك يا ابن هندي على هذا الاختيار الرائع.....

وما الومك لو تهيض مع لافي الغيداني ...

لافي شاعر رائع ويستاهل اللي ينقل شعره...

[هيـاا العـازمـي]

أبيات رائعة بمعانيها و جزالتها

سلمت الأنامل ابن هندي على هذا النقل المميز

وصح الله لساان الشاعر لافي الغيداني

تقديري

هيـــاااا

[الصقار]

خلف الغريب...سلمت على مرورك الذي اسعدني ...ويستاهل لافي
تحياتي اخوي خلف