رد عبدالله عايد على ( عبدالله عايد يقول طنش )

[مزيد المزيد]

اسعد الله اوقاتكم بكل خير ......


كتبت قصيده اسندتها الى عبدالله عايد .. على هذا الرابط

http://www.weelan.com/vb/showthread.php?t=12529

واتاني الرد كما توقعته

كان في قمة الروعه والابداع ..



اترككم مع عبدالله

مزيد سويلم فصخ عقله من اسبابي =شوفي بعيني خفوقه خرخر زيوتـه
نصيحة ٍ قلتها مانـي بهـا مرابـي =قام ومسح رقم جوالي من النوتـه
ياربـي الخيـرة بقافـي وبكتابـي =ما كنت اعرف المشاكل فيه ملفوته
مزيد هواله بنيه .. صار منصابـي =وبذمتي من هوا ماهيب مبخوتـه !!
في كل يوم ٍ يوصف ردفهـا النابـي =ويمثل خدودها فـي طلعـة التوتـه
وانا مع البنت .. متعاطف ومتحابي =ومشاعري من كلامة تشعر بلوتـه
بس اتسمع وصوفه وافتل اشنابـي=وغمر مشاعر فؤادي وسط تابوتـه
حسيبه الله .. كأنه يحرق اعصابـي =في كل يوم ٍ يجي ويهيجـن بيوتـه
نسى بانه يسولـف عنـد عزابـي =وانه يدور قطـار الحـب ويفوتـه
مغير يوصف فتن ما يحسب حسابي =حتى نزل بي غلاها فـي براشوتـه
لا جاب طاري حلاها شـب شبابـي =والبنت هذي بزين الطبـع منعوتـه
وان جيت اقرب من المزيونه ركابي =يطري علي البحر ومزابـدة حوتـه
قلت آتشيطر عليه بشوري الهابـي =وش له بطرد الهوى ومجاوبة صوته
الحب ماهو بلبسـة ثـوب قلابـي =ولاهو بشوت ٍ يجي ويجرجر بشوته
عساه يفهم وش اللي يقصد كتابـي =خلاص مليت من قصـة وحدوتـه
وقولو لمزيد تراه من اقرب اقرابـي =لاشك بتلى زمانـه خرخـر زيوتـه

[ماجد الغانم]

ابو ركان الله يعطيك العافية .... على نقل قصيدة ابو عايد لنا ورده الوافي

بكل امانه كلاكما مبدعان ...

والتميز دائماً حليفكم ...

عبدالله عايد

صح لسااانك ..ولاهنت

على هذا الرد الوافي ..



مزيد هواله بنيه .. صار منصابـي
وبذمتي من هوا ماهيب مبخوتـه !!

في كل يوم ٍ يوصف ردفهـا النابـي
ويمثل خدودها فـي طلعـة التوتـه

وانا مع البنت .. متعاطف ومتحابي
ومشاعري من كلامة تشعر بلوتـه

بس اتسمع وصوفه وافتل اشنابـي
وغمر مشاعر فؤادي وسط تابوتـه

حسيبه الله .. كأنه يحرق اعصابـي
في كل يوم ٍ يجي ويهيجـن بيوتـه

نسى بانه يسولـف عنـد عزابـي
وانه يدور قطـار الحـب ويفوتـه

مغير يوصف فتن ما يحسب حسابي
حتى نزل بي غلاها فـي براشوتـه

لا جاب طاري حلاها شـب شبابـي
والبنت هذي بزين الطبـع منعوتـه

...
.
الله يجازيك يابو راكان اثريك مسوي فيه الهوايل


اجل ما تنلااااام يا عبدالله

...

ابو راكان ..ابو عايد يعطيكم العافية والله يديم الأخوة بينكم.
..
.

تقبلا تحيااااااااتي

[هيـاا العـازمـي]

وأوقاتك مراقبي العام مزيد المزيد بمثل ما أردتَ لنا

صح الله لسانك على هالابداع في البداية

والله الله الله يا عبدالله عايد

نزف مشاعر وإحساس صادق

بوح يمطر عذوبة ويغرد عشقا

عساه يفهم وش اللي يقصد كتابـي
خلاص مليت من قصـة وحدوتـه

وقولو لمزيد تراه من اقرب اقرابـي
لاشك بتلى زمانـه خرخـر زيوتـه

معروف عن مزيد بأنه لماح ويفهمها وهي طايره

مير يا عبدالله صعبه هالمره

ما أظن بوراكان يقتنع بلي براسك

لإن هذي المعشووقه

تسلمووون لنا يارب وتصح قلووبكم ولاهنتو

الحقيقه صوت وصدى من العيار الثقيل جداً

والقصائد تستاهل بأن يتم حفظها ليس فقط في المفضلة

بل في المذكرت الخاصه حتى تحفظ عن ظهر غيب

ما قوول الا الله يعيينك ياخوي عبدالله

ويدووم نبضك وفكرك وبوحك

ولا عدمناكم

تقديري

هيــــاااا

[اميرة الحرف]

هنــاك سمعنا الصوت وأطربنــا
وكنت على ثقه بأن نسمع الصدى يومــاً
وهاهو صدى عبدالله عايد يعانق مسامعنا من على بعد الآف الأميال

ابو راكان صح الله لسان ابو عــايد وسلمت يمينك اللي نقلت لنا الرد
والله يديم المحبه بينــكم

العيــوف

[تركي صالح]

قمة الابداع

وقمة الروعه

شعراء يجبرون القاريء

على متابعتهم

مزيد المزيد و عبدالله عايد

سلمتوا ودمتوا بهذه الابداعات

ودائمً مميزين

[محمد الشمالي]

مزيد المزيد شاعر جزل لاكن هذه المجاراه لاتليق بك مزيد سويلم فصخ عقله من اسبابي &شوفي بعيني خفوقه خرخر زيوتـه لكل مقاماً مقام ولاأعتقد بانك من أصحاب هولا المقامات المزح عندما يتعدى حدوده ويصل منابر الاعلام يكون ذم وليس مزح مزيد أرجو بان تقبل وجهة نظري بصدر رحب وتحذف هذا العجز من البيت الاول والاخير من القصيده وباقي القصيده فكاهيه ولاباس بها حتى لو تكرر الواو في بعض الجمل وجعل البيت يختل وزنه لاكن لايعيب النص بما انه فكاهي

والسلام عليكم ورحمة الله وبركاته

[صالح الجطيلي]

الشاعر | مزيد المزيد

صح لسانك

وصح لسان الشاعر | عبد الله عايد

واسأل الله لكم التوفيق

دمت بود