تقدّم الدنيا لنا درس جديد كل يوم .. !!!!

[أبو فهاد]

تقدم الدنـيـــــــــــــا لنا درس جديد بكل يوم=والناس تسلم من غثا الدنيا بحفظ دروسها
وعلى حسب حفظ المواجيب وتعاليم السلوم=نعرف مقاســـــات البشر بالمرجله ونقوسها
صيت الرجــــال الوافيه بأفعالها ولاّ الرخوم=ينبيك عنها قل نفعتهــــــــا وشين نفـــوسها
تطرد ورى الدنيا وتكشخ بالمواتر والهدوم=مثل الحريم أغلب دراهمها على ملبوسها
والامعه والشايب الكذاب وضعيف العزوم=ناس مع العالم بلا هيبه تدربي روسها
والبخل خلانه بهايم ولاتسام ولاتسوم=لاشفتها ترفع يدك حمد وشكر وتبوسها
على الصحن هم أول الجلاس وآخر من يقوم=يعيّفك حلو الاكل والشرب طول جلوسها
ماهيب للازم سند ولاذخر عند اللزوم=تموت ماسرك مهايطها وكثر فلوسها
وسوالف الخبلان رفعة ضغط وصداع وهموم=فلاوة تخطف علوم العرب وتحوسها
واجب عليك إليا حكت عن جملة حكاها تشوم=الهند مايراس حكومتها سوى هندوسها
وربع المصالح والمجامل خوة ماهيب دوم=اقولها والتجربه قطع وريدي موسها
وقت الرخا مثل الصقور اللي على المرقب تحوم=في يذري ساقك الرمضا وحر شموسها
واليا احتمت صكات بقعا وامست علومك علوم=اتلوي خششها وتجحد خوتك وتدوسها
من عقب ماانت الطيب وقدرك معزز ومحشوم=تصير اردى ماخلق ربي ودم ضروسها
ابعد عن الاشكال ذي بعد الثرى عن النجوم=وش حاجتك في قرب رديان العرب ونجوسها
ماهوب عيب ليا عزموك تقول يالربع معزوم=العيب لارحت لعزايمها وجيت عروسها
وخلك فطين تعلمك دنياك درس بكل يوم=والرجل يسلم من غثا الدنيا بحفظ دروسها

[سعود المسعودي]

بارك الله فيك وفي حضورك الرائع
نقل جميل ومميز

[خلف الغريب]

نقل رائع يا ابو فهاد الله يعطيك العافية بس اتمنى نعرف اسم صاحبها ...

اكرر شكري لك ...

[هيـاا العـازمـي]

انشهد انك مميز في الاختيار يا خوي ابو فهاد

فدائما ما تأتي بالجميل والرائع

تطـرد ورى الدنيـا وتكـشـخ بالمـواتـر والـهـدوم
مثـل الحـريـم أغـلـب دراهمـهـا عـلـى ملبوسـهـا

الله المستعان بس

صراحه لا تأتي الا بالدرر والنفائس من القصيد

وهذه المره قصيده تدور في فلك الحكمة

يعطيك العافيه وصح لسان ونبض شاعرها الحكيم

كل التقدير لشخصك الكريم

فقط لا تبخل علينا بالمزيد

تقديري

هيــــااااا

[اميرة الحرف]

وخـلـك فطـيـن تعلـمـك دنـيـاك درس بـكـل يــوم
.............والرجـل يسلـم مـن غثـا الدنيـا بحفـظ دروسـهـا

الله الله يابو فهاد لاهنت على هذه الرائعة
دمت بخير

[الجوكر]

المشاركة الأصلية كتبت بواسطة أبو فهاد

تقدم الدنـيـــــــــــــا لنا درس جديد بكل يوم=والناس تسلم من غثا الدنيا بحفظ دروسها
وعلى حسب حفظ المواجيب وتعاليم السلوم=نعرف مقاســـــات البشر بالمرجله ونقوسها
صيت الرجــــال الوافيه بأفعالها ولاّ الرخوم=ينبيك عنها قل نفعتهــــــــا وشين نفـــوسها
تطرد ورى الدنيا وتكشخ بالمواتر والهدوم=مثل الحريم أغلب دراهمها على ملبوسها
والامعه والشايب الكذاب وضعيف العزوم=ناس مع العالم بلا هيبه تدربي روسها
والبخل خلانه بهايم ولاتسام ولاتسوم=لاشفتها ترفع يدك حمد وشكر وتبوسها
على الصحن هم أول الجلاس وآخر من يقوم=يعيّفك حلو الاكل والشرب طول جلوسها
ماهيب للازم سند ولاذخر عند اللزوم=تموت ماسرك مهايطها وكثر فلوسها
وسوالف الخبلان رفعة ضغط وصداع وهموم=فلاوة تخطف علوم العرب وتحوسها
واجب عليك إليا حكت عن جملة حكاها تشوم=الهند مايراس حكومتها سوى هندوسها
وربع المصالح والمجامل خوة ماهيب دوم=اقولها والتجربه قطع وريدي موسها
وقت الرخا مثل الصقور اللي على المرقب تحوم=في يذري ساقك الرمضا وحر شموسها
واليا احتمت صكات بقعا وامست علومك علوم=اتلوي خششها وتجحد خوتك وتدوسها
من عقب ماانت الطيب وقدرك معزز ومحشوم=تصير اردى ماخلق ربي ودم ضروسها
ابعد عن الاشكال ذي بعد الثرى عن النجوم=وش حاجتك في قرب رديان العرب ونجوسها
ماهوب عيب ليا عزموك تقول يالربع معزوم=العيب لارحت لعزايمها وجيت عروسها
وخلك فطين تعلمك دنياك درس بكل يوم=والرجل يسلم من غثا الدنيا بحفظ دروسها

صـيـت الـرجـال الوافـيـه بأفعالـهـا ولاّ الـرخــوم

ينبـيـك عنـهـا قـــل نفعـتـهـا وشـيــن نفـوسـهـا



اشهد بالله انها قصيده تغني عن الكثير والكثير من القصائد

بيض الله وجهك ورفع قدرك

مليون شكر على هذه النقل العذب النقل المروي

ابو فهاد

فائق تقديري لك