الله نشد ياحمود عن معرفة يوم

[صالح العرجان]

السلام عليكم ورحمة الله وبركاته
من مكتبتي

الشيخ نمر بن قبلان بن حمدان العدواني شيخ قبيلة
عدوان أهل البلقا ويقال أن أصله من السويط شيوخ
قبيلة الضفير شاعر معروف والكل يعلم قصيدتة في
رثاء زوجته وضحى التي يشكي على جد يع بن قبلان
ويسند على أبنه عقاب نورد بعض أبياتها منها:

ولو جن بنات الترك مع النصارا
..... والهند واللي ساكن كل الامصار
لو يجمعون صغارهن والكبارا
..... وقالوا تخير من عما هيج الأحرار
ولو خيروني في جميع العذارا
..... من غير وضحى مالك الله نختار

ياسلام.. الشيخ جد يع بن قبلان الملحم رد مجاوبا نمر
بن عدوان يقول:

علماً لفاني مثل قدح الشرارا
.... هز الضمير وصرت حاير ومحتار
يا نمر لا عود هذاك النهارا
.... اللي رحل به صاحبك يابن الأخيار
مالوم عينك لو تهل العبارا
.... وش عاد لو ناحت تناهيت واعبار
خلك رحل والعين تشبح وتارا
.... ما عندنا حيله على جاري الأقدار
القدر نوقف دون رده حيارا
.... وأمر الولي ينفذ على كل الأبشار
اصبر لتصريف القدر باقتدارا
.... لا تشتمت يا نمر من صاير صار
الحزن يجيب الغثا والكدارا
.... اصبر ومثلك راعي العزم صبّار
ما أظن ترجع بالطلب والمثارا
.... هيهات لو من دونها بعت الأعمار
ما لوم قلبك لو تحيّر وحارا
.... بالصاحب اللي تندبه سر وجهار
تجض مثل اللي برجله اجبارا
.... وانت المخير بين جابر وكسّار
يا نمر جالك بالزمان أختبارا
.... اصبر على ما صار حاذور تنهار
يانمر يا نسل الشيوخ الأمارا
.... شكيت لي وأعطيك يا نمر الأشوار
يا نمر ياريف الضعوف الفقارا
.... دور بدال صويحبك يا ذرى الجار
غروا جبينه كالحرير ايترارا
.... هايف حشاها وخدها تقل جمار
اللي جبينه به بياض وحمارا
.... ويزها دماليج الخلاخل والأسوار
بنت الشيوخ معسفين المهارا
.... عين القضيب اللي على كف صقار
ترثت شيوخ ينطحون الوزارا
.... حمول السبايا معطرت كل بتار
تنال من حاز الحلا والوقارا
.... ما دوجت بالسوق مع كل عطار
اللي إلى نلته تزود أفتخارا
.... تنسيك همك من حراير هل الكار
الحر اللي مثلك يصيد الحبارا
.... والبوم ينغط مسكنه بأوسط الغار
عليك باللي ما تعدا الخدارا
.... ما خايلت بين الأخله بالأنظار
سمي خلك عارف كل كارا
.... من محصنات ناجبينه لك خيار
شمى عفيفه ضاريه للمدارا
.... ما باح في غرتها كل غدار
خذها خزيزة يالسنافي قرارا
.... وأمقلفعه من دون درهم ودينار
هذا مرامي وانت عطنا الخبارا
.... من يبذل المجهود ما دار الأعذار
وان كان قصدك يالسنافي اعسارا
.... نعطيك لو تبغي من المال قنطار
اولاد وايل في جميع الديارا
.... من شرقي الغوطة إلى خشم سنار
نجمع دنانير الذهب والبكارا
.... كله لأبو سلطان بالموقف الحار
خليتها يا نمر صيحة عزارا
.... ما غير وضحى من الغنادير تختار
هذا جواب اللي تبرع وشارا
.... حنا اهل الشيمة وحنا اهل الكار
وحنا لك الله ما نهاب الخسارا
.... عز الصديق اللي عليه الزمن جار
وصلوا على اللي شاع دينه جهارا
.... شفيع الأمة عن وهج حامي النار

وسلامتكم
خالص تحياتي للجميع


المقصد هو خدمة هذا التراث وليس الاساة لاي طرف كان
ولكن ارى ان هذا الشعر امانه ومراة صادقه لمرحله مرت
بكل سلبياتها وايجابياتها.
وليس لي ان اعتذر لاحد عما يقوله الشاعر في شعره
فذلك جزء من الماضي لا املك امامه سوى التذكير

العيب ترك المعرضة بالمواجيب...والا الرفيق بفزعته ما نلامي
رفــيقنا كنه بروس الشخانيب...في راس حيد نايف ما يظامي
رفــيقنا ما نجدعه للقصاصيب...يجبر بنا لو مكسره بالعظامي
ورفيقنا لو هو من الجد بصليب... متجود منا براس السنامي
/-عبيد العلي الرشيد).

[عبدالكريم العنزي]

الاخوه الكرام

هذه القصيده اعجبتني ولكن لم اعثر على بقيتها ولم ا عرف من هو قايلها الحقيقي


اتمنا من يعرف القصيده كامله او يعرف قايلها الحقيقي ان يتفضل مشكوراً بكتابتها

ياحمود شد الزمل نرحل عن الدوم=نبي عربنا يم اطاريف رمان
ياحمود ماوالله علينا بها لوم=مااستانس الاوسط نزل العليان
ماكني الا عندهم باشة الروم =ارجح بميزاني على كل ميزان
الله نشد ياحمود عن معرفة يوم=وحنا ثمان وعشر ياحمود جيران
ياحمود يظهر لك صديق من القوم=ويظهر من الربع القريبين عدوان

[صالح الضويحي]

الاخ عبدالكريم العنزي

ياهلا والله ومرحبا000

ارجو نقل سؤالك هذا الى شخصية الاسبوع(5) وهو الشاعر الكبير

(جريد بن عوض الغضوري)

وسوف يفيدنا عن قصة هذه القصيدة واسم شاعرها0

وهي قصيدة مشهورة ومعروفه وتستحق الاهتمام وفي نفس الوقت أختلفت الروايات حولها00

[المسيكي]

هذه القصيده قالها نمر بن عدوان يسند على جاره حمود العرفجي ويشكو حاله للشيخ جديع بن قبلان المحلم شيخ قبيلة المنابهه من عنزة
وهو من بني صخر وهو امير البلقاء ،،ومعروفه قصته مع زوجته وضحى عندما قتلها وهو غير قاصد حيث قام بالليل وكانت عند فرسه فرماها يعتقد انها شخص يحاول سرقة فرسه ،، فقتلها ،،
وقصائده كثيره بها منها :

البارحه فزيت من غبة النوم=جاني حبيبي واختفى عقب مابان
فزيت مذهول من العقل معدوم=مالي عقب وضحا خليل ٍ وخلان
طيف ٍ تصور لي خياله من حلوم=وأصبحت من حلمي جثيم ٍ وحيران
يلومني بموالفي كل مليوم=قالوا سفاهه زاد نمر بن عدوان
عسى يتوطّا لايمي دولة الروم=والا عسى ياتيه رهط ٍ من الجان
الله نشد ياحمود عن معرفة يوم=وحنا ثمان سنين ياحمود جيران
ياحمود يظهر لك صديق ٍ من القوم=ويظهر من الربع الموالين عدوان
ياجديع يامشكاي يامفني الكوم=فقد الخليل مصيبتي يابن قبلان
حظي خمر طيره عقب ماادرج الحوم=الله لايجزي طير حظي بالاحسان
بكيت انا وعقاب يوم بثر يوم=جار الزمان وباغت اليتم سلطان

ورد عليه الشيخ جديع بن قبلان بهذه القصيده

يانمر ماصابك من الله مقسوم=الله بخلقه ماينن يابن عدوان
ان مات حي قيل يانمر مرحوم=اطلب لمفقودك من الرب غفران
ألا ولا حي ٍ من الموت معصوم=اعرف ترى دنياك مافوقها فان
دنياك هذي بين هازم ومهزوم=مانت الوحيد بفقد خل وخلان
ماقدر المولى على العبد محتوم=الله جعل للروح حد ٍ وديان
كلن عليه من اسود الوقت مثلوم=من ضيم بقعا شاكين جن وانسان
الله يجيرك يالسنافي عن اللوم=عزاه يامروي شبا لامع الزان
يانمر من ضيم اللي مانت مظيوم=اصبر وعالج ضامرك يابوسلطان
الصبر زين وينفرج كل مكتوم=كم واحد قبلك توطته الازمان
الحلم يجعل صاحب العقل مهموم=طيف الليالي مابها غير نقصان
وليا عاد عند الناس يانمر محشوم=دور عوضها عند حضر ٍ وبدوان

وله مساجلات اخرى ،، مع الشيخ ابن ملحم

[صالح العرجان]

عبدالكريم العنزي


صالح الضويحي


المسيكي


شرف لي ان تكون مشاركتي صفحه لتساؤلاتكم واستفساراتكم


سعدت بما طرحتموه وناقشتموه


لا خلا ولا عدم

[الواطي]

تسلم يالمسيكي

[صالح العرجان]

بالنيابه عن المسيكي


اشكرك على مرورك ومشاركتك اخوي الواطي