دنياك هَـذي كلها هَـز : لبديوي الوقداني

[سعود المسعودي]

	السلام عليكم ورحمة الله وبركاته دنياك هَذي كلها هَز قاووق= ما تعرف الصاحب مـن اللـي معاديـك واكثر كلام الناس بالمكر والبوق= يهرج معك و ليـا تِقَفيـت يرميـك المال دايم صاحبه مرتفع فوق= والقل خايـب لـو تَرَفَّعْـت يرْخِيـك عزِّي لمن دَوَّر لها عند مخلوق= إما بخـل ولاّ مَنَـن يـوم يعطيـك أوصيك بالطيِّب إن كان لـك ذوق= إرمـه وراك ولازم إنـه يلاقيـك يا عبد هوِّن كل مطرُود ملحُوق= لا تِشْتَحِن لك رَب مـا هُـو مخليـك أللي جعلِّك رُوح جاعلك مرزُوق= كما تَكفَّل بك مـن الخلـق كافيـك يعطي وباب الرِّزق ما هُو بمغلوق= وليا طلبته وانت محتاج يعطيـك الرِّزق له حبسه وله وقت مطلُوق= وإن مت ظلا عند قبـرك يناديـك والموت جايك لو تقع جوف صندُو=ق دع عنك ما بك من حذر لا يعنيك لا تنشغل بالمال ترى المال ممحُوق= ما مالك إلاّ مـا تمـده أياديـك إن كان مالك يا فتى ضيق السوق= تراه عند الموت مـا هـو منجيـك الجار والعاني لهُم شرط وحقُوق= والضيف واجب تكرمه يـوم يلاقيـك وان كان تبي تاخذ المدح مطبُوق= خلك مشمر دُون ضيفـك وعانيـك صُون الأمانة واظهر الهرج بصدُوق= ولا تعاشر صاحب البوق يعديك لا تصحب الخاين ولا تامن النُّوق= وان لاح براق الحيا عَـذَّرَت فيـك والدرب لا تامنه لو كنت مرفُـوق= إلا بِحـدٍّ فـي يمينـك يباريـك أترك طريقة كل عاشِق ومعشُو=ق ترمي برُوحك في الشَرَك ثُم يرميك والكلب ما يتبعك لو تلبسه طوق= ولا خلاخيل الذهـب مـا يراعيـك وبالصبر تغلب صاحب العزم يا شوق= والعزم طيب مَيْر حزات يرميك وافرح ليا منك عن الشر مدروق= واحذر صديقك واحذر اللـي يُواليـك هذا كلام الصدق ما هُو بمسروق= وابيـات يـا قلبـي بناَهَـا يسَلِّيـك من هاجسٍ يطمي كما بحر صافوق= احذر على القلب الشقي يوم يطْرِيك الشاعر بديوي الوقداني

[خلف الغريب]

الرائع صقر الصقور ...

ابدعت في الاختيار لهذا الشاعر العلم فمن منا لم يسمع ببديوي الوقداني ..

تحياتي لك ولكرمك ..

[الجوكر]

صقر الصقور

قصيدة شامخة بشموخ قائلها

دائماً متميز بنقلك شكرا لك

[عوض بن نادر]

مبروك الاشراف يا صقر الصقور وتستاهل اكثر وسلمت يمناك على الاختيار

[سعود المسعودي]

المشاركة الأصلية كتبت بواسطة خلف الغريب

الرائع صقر الصقور ...

ابدعت في الاختيار لهذا الشاعر العلم فمن منا لم يسمع ببديوي الوقداني ..

تحياتي لك ولكرمك ..

شاكر لك مرورك عزيزي

وأن كان هناك كرم فهو تشريفك لمتصفحي هـنا

دمتَ بحفظ الرحمن

[سعود المسعودي]

المشاركة الأصلية كتبت بواسطة الجوكر

صقر الصقور

قصيدة شامخة بشموخ قائلها

دائماً متميز بنقلك شكرا لك

أخي الجوكر الشكر موصول لك بمرورك هـنا في صفحتي المتواضعة

أشكرك من قلبي عـلى تواصلك وعلى كلامك الطيب

دمتَ بخير وعافيـة

[سعود المسعودي]

المشاركة الأصلية كتبت بواسطة عوض بن نادر

مبروك الاشراف يا صقر الصقور وتستاهل اكثر وسلمت يمناك على الاختيار

ياهلا بك عوض بن نـادر

الله يبـارك فيك طال عمرك

وتستاهل الخير والطيب

وسلم رأسك على مروركَ هُنا

دمتَ بخير