سمع الكثير منا ماحصل بكتاب الله ..... من ايدي كفره ملحدين ملعونين ....
والكل منا حصل به ماحصل بكل مسلم ..........
وهذا ماحصل بعد الموقف
و اعتذر عن تأخري في تقديمها ..........
هي لكم
واتمنى ان ترضي الجميع .........
(((( خفـــــافيــــش الظـــــــلام )))).
قلت اذكروا قولوا معي منهم خفافيش الظلام؟=قالوا سؤالك وش يبي؟كله غموضك يحتويـه
قلت العفو من فلسفه صعبه ولكـن لاتضـام=قلت السفيه ابن السفيه شلون تعريف السفيه؟
قالوا سفيه أصل السفه ماخوذ من كثر الكلام=يعني كلامه هرطقه مايفعل اللـي قيـل فيـه
قلت اسمعوا شرح القصيد الأبجدي والمستهـام=شرح المعاني المبهمه يمكن ذكرهـا سيبويـه
اضحك ولا تزعل وخل الظيم ملعون العسـام=لاتلتفت للهافيه حنا عـرب سيـد... وبيـه
خبول لكن همنـا جمـع الدراهـم والغـرام=ماهمنا موت الرضيع اللي رصاصـه تكتويـه
مانشتكي على السفيه اللي رماه بـلا مـرام=بل نشتكي على الرضيع وشلون كبر منكبيـه
وشلون ابوه بلا سبب خلاه من غير احتكـام=شارون يزعل ياعرب! إزاي نلعب ياأبيـه؟
هذي فصول المفـرده اول معانيهـا حـرام=خلونا من هالمرفده القدس مبطـي مانبيـه!!
قالوا نبي نحرر بلاد الرافديـن إمـن النظـام=قلنا هلا باللي حضر يعني نقـول إنـه نبيـه
حنا نقول إنه نبيه من يـوم ضـاع الاحتـرام=في ذمتي ماهـو نبيـه كـل السخافة تعتليـه
خلاص طيحنا النظام وقسمنا كـل الاقتسـام=في عندنا علمٍ جديد.. تقريـر وزع مهتويـه
بغداد نامت قالها كوفـي انـان وراح نـام!=والنوم فارقها وحنـا نسلـك دروب المتيـه
صكت بلوت ونفتخر احلى عرب احلى سلام=واحلى مواضيع التفـه فـي ذمتـي ماتهتديـه
وهذا ملفٍ نقفله ليـه التعـب ليـه الهيـام؟=قلت اصبروا باقي معي بعض الحكي من غير ليه
شلون حنا نفتخـر وقلوبنـا ضـد الوئـام=شلون تطلع ضحكتي من قلب صعبٍ ترتضيه
إلا الكرامه تختفي عند الرجـال إبـلا مـلام=صعب الدموع العابره تنزل تغطـي وجنتيـه
صعب الملامح تندثر في ظلمة الليـل إكتتـام=وسهلٍ علينا ننضرب من كافرٍ تبـت يديـه
قرأننا هو ذكرنا هـو ديننـا هـو الوسـام=سهلٍ نشوف الاجنبي بكل الحقـاره يرتميـه
متى نقول إنا عرب بحق مـن غيـر إكتضـام=متـى نـرد لديننـا هيبتـه ونصـد مايجيـه
تدرون خلوكم معي لحظه وشيلـوا هالغمـام=من هاننا في ديننا بدري عليه بـدري عليـه
أدعوا معي رب الكتاب المُنزل أدعوا بإلتـزام=يـارب ياقيـوم يارحمـان خـذ ماأشتكيـه
أبي تهـز جبالهـا وأبي تزيـد الإرتجـام=وأبي تنزل معجزه تحـرق منـازل ماوطيـه
ونشوف يومٍ كلنا في هالسفيـه إبـلا رحـام=ياربنا أقبـل دعـانـا يامجـيـبٍ نرتجـيـه
قولوا معي آآمين يامنهو حضر فـي هالمقـام=واختام فصل حكايتي ودي انا اذكر ماصفيـه
اللحين قولوا من جديد منهم خفافيش الظـلام=قالوا عرفنا وش تبي سـؤال صـادق محتويـه
أو مجمل فصول الحكايـه والحقيقـه لاتـلام=إن السفيه إبن السفيه بالقول لايعمـل مافيـه
قلت العفو في هالقصيد شرح واقسامه قسـام=واعذروا تقصير حرفي يمكن الهيبـه إتعصيـه
وسلامتكم جميع
اخوكم ومغليكم
اورنس الهذال
08/06/05, (01:03 AM)
لــــيقف الجمــــــــع (( إنتهى المزح ))
العرض العادي
