سجل دخولك للمنتدى ببيت شعر اعجبك

[الجادل]

تعبت اجامل اوجاعي .. وانا فيني تعب واضداد=تعبت ادوّرِك وارضي تشتتني نواحيها
تعبت اضيّف همومٍ تجيني كل يوم جداد=تفك حلوقها وامزع لها متني وأدحيها

[سعوط المجانين]

وأنـا لوإنـي ماتعلمـت الهزيمـه والنصـر = ماكان ذقت من الهوى القتال امـره واعذبـه
شاعروعصري فاتني واعيش في اغرب عصر = لا الوقت وقتي والزمن مابيني وبينـه شبـه
لكن هنوف ٍ مثلت دور العزيـزه فـي مصـر = قدّت قميصي واسرفت في وصلها قبـل انتبـه
يوم انتبهت استشهدت ضدي بحراس وقصـر = قلت ارحمي عزيز قـوم ذل وارخـى منكبـه
ماني نبي الله اقاوم حسن خصرك الى انهصر = انا بشرعبـد ٍ ضعيـف وكـل بـرق يجذبـه

[خلف الغريب]

صباحكم شعر وعطر ..

عودة للتراث مع فهيد المجماج رحمه الله

لا والله الا صار للبدو نضناض..=دونك حجير مغيزل العين مقضوض
يا من يبشرني عسى شيخهم راض..=وين انت يا اللي لك مع البدو ملحوظ
يا مل قلب من شديد العرب جاض..=كما يجوض اذا اوجس الكوي ممروض
والدمع من عيني على محجري فاض..=فيضة شعيب فايض له على روض

[هند آل فاضل]

عن كشف سر الناس ماني بملزوم
...........وشورك لمن لا يطلب الشور ضايع
عن عالم امسٍ يختلف عالم اليـوم
.............متغيريـنٍ بالشـكـل والطبـايـع
ياما من العثرات والشـوم واللـوم
.............لله يخرجنـا ببيـض الصنـايـع

[أبو غرام]

ياويل قلبي كل ماشتقت لقياه=وشلون ماتشتاق عيني لعينه
انا ادري اني حيل احبه واهواه=وانا ادري ان القلب صار بيدينه
اموت انابه في غيابه واحياه=وشلون اجل لو صافحتني يمينه
حاولت اكتم عبرتي يوم فرقاه=وألملم جروح الزمان الطعينه
واعطيه من قلب المعنا معاناه=وآخذ من جروحه ولو هي دفينه

[الجوكر]

كسـر الخواطـر مثـل كسـر الزجـاجــه
نفس البشر دم.. وأحاسيـس.. وشعـور

واللــي يتصـدد مالكــم فـيـه حــاجــه
يالله عسى إللي يدور الستر .. مستـور

[الموج]

افتر قلبي بعد مامر
داره بعد غيبته عنها