(( مشب اخو شاهه....!!

[صالح العرجان]

وله هالقصيده ينهى به عن الدخان وبيبن ان الدخان ماهو كيف "اهداء للمدخنيين"


،،،،،،،،،،،


ياشارب التنباك شربه مهو كيف
يامدور الطولات مابـه شكايـل

لاجالي هم ولا مقـري ضيـف
ولامودع خـط الردييـن طايـل

اعلمك بالكيـف يادايـر الكيـف
الكيف دربه مايبـي لـه دلايـل

اعلمك بالكيـف يادايـر الكيـف
دنيين نجور الماو فوق النثايـل

اعلمك بالكيـف يادايـر الكيـف
بني الرباع السود ويـا المدايـل

بارباعهن بيض الدلال المهاديف
مشروبهن وقع السحاب الشخايل

فنجالهن يشدا خضاب الغطاريف
ورسن صبغ بكفوف شقر الجدايل

وصينيه يقلط عليهـا مراديـف
وحب اللقيمي فوق عصبان حايل

اعلمك بالكيـف يادايـر الكيـف
ركب العقايليـات والـدل مايـل

اعلمك بالكيـف يادايـر الكيـف
حط الكبن والجوخ فوق الاصايل

اعلمك بالكيـف يادايـر الكيـف
ضربت عدوك بالجموع الثقايـل

اعلمك بالكيـف يادايـر الكيـف
تدليل حد السف في كـل عايـل

مع ربعة تفرق حساب المواليف
واليا تلاقو فوق شهب الصايـل

اعلمك بالكيـف يادايـر الكيـف
شقحا من الخفرات شقرا جدايـل

اعلمك بالكيـف يادايـر الكيـف
شي تخلق من ضلوع الشوايـل

اعلمك بالكيـف يادايـر الكيـف
يامدور المشهور هذا الصمايـل





يتبع ...........

[صالح العرجان]

وبالرغم ان قصائد عدوان الغزليه ماهي كثيره ويمكن ماشتهر له اللي قصيدته "بجمعه"
يقولون ان عدوان نزل عند الشلقان من شمر واعجبته وحده اسمه جمعه وهي صغيره بالعمر وعدوان شايب
يقول عدوان ويسنده لبناخيه جريس:


،،،،،،،،،


ول يافريـقٍ كتـو السيـف نجـاع
تزجرهـم النكبـا ليالـي التسيعـي

شفي "بجمعه" لو كلت كل الاجمـاع
جمعي مع جموع الجماعه جميعـي

وش عاد لو تاكل جموعي والاصباع
وجموع جمعات الشريـف الرفيعـي

جمعه فتاة من شراشيـح الاقطـاع
من لابـة اللـي مدلهيـن القطيعـي

وقرون جمعه فوق الامتـان شـراع
يدلي بهن ياجريس خطـو البديعـي

وان كان اهالي الترف يبغون الاطماع
انـا بتوليـف المصـاري سريعـي

[صالح العرجان]

ولعدوان ايضا قصيدة التوبه ويقال انه تقارب المية بيت لكن اللي وجدت منه الاتي
يقول عدوان:



،،،،،،،،،،

يالله ياللـي مابخلقـك معـيـره
الواحـد اللـي للمخلايـق خـلاق

تسعيـن مايسـرن انتـه دبيـره
ترجيك ياباني حجر كـل شوهـاق

رازق جليله مع دوابـي صغيـره
ومفنى ثلاث ارنوق من كل الارزاق

شي طلوع الشمس حـزة نفيـره
وشي غياب الشمس فك للاريـاق

واشيا يرعى من ثمر كـل ديـره
واشيا مايعرف مذوقـه ولايـذاق

ترحم كبيره مـع دوابـي صغيـره
المنفهق واللي على الرزق مطفاق

وتبعث سكون حال دونـه جبيـره
وتلحق شرود بالجناحيـن خفـاق

دنياك انـت الواحـد اللـي تديـره
مر ربيـع ومـر يـذون الاوراق

ومر دجى والعين يخلـف نظيـره
ومر نهار وكـل دنيـاك مشـراق

دنيـاك تقلـط ماتقلـط نـذيـره
ومن لاذ يبي عن منايـاه ينعـاق

انـا دخيلـك يـوم يشتـب ثيـره
يالله لاتسطى عظامـي بالاحـراق

تلطف بعبد مودعـك لـه ذخيـره
عبد اليامنـه نـوى بيـك مابـاق




يتبع ...........

[صالح العرجان]

هنيا يمكن احدكم يسال سوال ؟!


أليس في هذه القصيده والقصيده الأخرى تناقض
فهنا يقول :

التتن قـل وضيعـوه الشواريـب
ورحنا لابو عوينان مثل الطياحـي
ويفهم منه الحرص على التتن وان ابو عوينان هذا (متزهّل) بتوفيره
وفي القصيدة الأخرى :

ياشارب التنباك شربه مهو كيف
يامدور الطولات مابـه شكايـل ...الخ

ينهى ويذم شربه

[صالح العرجان]

الجواب على لسان شايب بالشبه معنا ؟!


يقول؟!


الهربيد مايشرب التتن او الدخان

لكن من عوايد الشيوخ وحبهم للكرم

انهم يشترون تنكة دخان خااااصه للضيوف

الضيف اذا هو شراب دخان وجا من مسافه بعيده وصار له مده ماشرب دخان راسه يوجعه

واذا اوجعه راسه مايتعشى عشى الشيخ يقوم الشيخ ويعطيه من التنكة دخان علشان يقدر يتعشى


يقول الهربيد

التتن قـل وضيعـوه الشواريـب
ورحنا لابو عوينان مثل الطياحـي


ابو عوينان هو شيخهم عساف الهربيد يعطي اللي يشرب دخان الددخان

والباقين يصحيهم بالقهوه ؟!






واعذرونا كان به قصور او خطاء يا الربع

[البيداء]

بالخير يااأبو عبدالله


لفينا على ريحة الدلال المباهير ،،


وأبشر بالهرج اللي يسرك من بعد الفناجيل






ومن بعد ماشِربنا لذيذ المشاريب ،، من فنجالك الطيب ،، \


حبيت انك تسمع هالسالفة "




تسمع اكيد عن البصري الوضيحي وهذا الرجال إخيذه بالغزل حتى ان اشتهر امره بالجزيرة كله


يقولك يوم كبر بالسن وحب انه يتوب طلب من ولده الحج


ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود


يامار بنت بن ربيعان قريبه له وهو يحبه على خده بدال الحجر


قالت بنت بن ربيعان " ياملا العمى انشالله حج يالشايب حج "


فقصد قصيده عقبه يقول:






التايه اللي جـاب بصـري يقنـه

* * * * * * * * * * جد د جروح العُوّد و العُوّد قاضي


جينـا نحـب ونطلـب الله جنـه

* * * * * * * * * * * * جنة نعيمٍ يـوم يابـس الحاضـي


ياليت كانـت حبتـي فـي معنـه

* * * * * * * * * * يوم العيون عن الخوامل غواضي


يامن يعاوني على وصـف كنـه

* * * * * * * * * * *اشقح شقاح ولاهـقٍ بالبياضـي


و الخد ذابـوح القلـوب المرنـه

* * * * * * * * * * * *براق مزنٍ لاعـج ألـون ياضـي


ياليت لو سني على وقـم سنـه

* * * * * * * * * * *بايام ما بينـي وبينـه بغاضـي


واين انت يا مشفي على طردهنه

* * * * * * * * * انا طويت ارشاي واقفيت قاضـي


أحدٍ يطيـح بنـار وأحـدٍ بجنـه

* * * * * * * * * وترى الحظيظ اللي له الرب راضي



هم زين فطن أنه حاج ....



ويوم رجع لربعه قالو وش سويت بالحج يابصري قال:




ياليتنـا مـن حجنـا سالمينـا

* * * * * * * * * * كان الذنوب اللي علينا خفيفـات


رحنا نبي نخفف ذنـوب علينـا

* * * * * * * * * * وجينا وعليها كثرها عشر مرات



ههههههههههههههههههه



وياكثرهم الهواوية هالايام ،، مير الزمان يتبدّل واتبدّل معه سلومه




وسلامتكم

======================================

[صالح العرجان]

بصري الوضيحي


من لا يعرفه يكذب لو يقول انه هوااااااااااااوي ؟!



يامن يعاوني على وصـف كنـه

* * * * * * * * * * *اشقح شقاح ولاهـقٍ بالبياضـي


و الخد ذابـوح القلـوب المرنـه

* * * * * * * * * * * *براق مزنٍ لاعـج ألـون ياضـي



،،،،،،،،،،،،،





البيداء


متعطر المشب بعلومك وفرايدك



لاهنت يا اخت الرجال المسمين ...