"كـــــثر الغموض.. اللي سكني وضوحــــــــــــي"

[غموض الشمال]

في دنيتي عانيت من غدر الاصحاب=ليه مع الطعنات قصه طويله
ياقو نزف الجرح لاجا من اقراب=ماعاد به شخصٍ وفي نلتجي له
ماعدت اميز بين صادق وكذاب=كلٍ يقول الصدق عني دليله
ياكثرهم لاجيت رااايق ولعاب=وياقلهم وقت الحمول الثقيله
الجرح لاجالك من الناس الاجناب=عنهم تصد ورجعتك مستحيله
مير البلا ناسٍ عزيزين واصحاب=بالروح مسكنهم وبالقلب قيله
ياليت ظني فيهم اليوم ماخاب=تشوهت بالعين صوره جميله
ماني مجازيهم وللحق طلاب= كلن على ماقيل يلقى حصيله

[غموض الشمال]

ماكل جرحٍ لامضى الوقت ننساه=واكثر جروحي في حشايه عميقه
جرحٍ تهاونته ..وجرحٍ كميناه=وجرحٍ أثاره وسط قلبي عميقه

[غموض الشمال]

يانوف انا من ضيقة الصدر عانيت=اوجس بقلبي مثل نارن تقيدي
عفت المنام ومن حياتي توذيت=ودموع عيني كثرها مايفيدي
حالي تردى يالعزيزه ومليت=حظي دفنته قبل يولد فقيدي
ماشفت في دنياي غير التناهيت=وكثر الهموم اللي ترافق قصيدي
ماغير ربي له شكيت وترجيت=اخفي عن العدوان همٍ وجيدي
على الصبر نفسي من اسنين ربيت=اكبح جماح النفس واشد قيدي

[غموض الشمال]

ياليتها ضيقة دقااااااايق تعدي
.
.
.
ولاوجع ساعه ونصبر عليها
.
.
.
بس المصيبه كل دنياي ضدي
.
.
.
ياما ابعدت ناسٍ تبيني وابيها

[غموض الشمال]

لو السفر يبدد الهم والضيق..!
..............ماشفت احد كثري سعيد بحياته

[غموض الشمال]

وش اسوي..!
لاخلت دنياي منك
وغابت طيوفك مع احلامي وضيك

كيف اعيش..!
وين اودي كم هائل
من مشاعر ترتجيك

وين اروح..!
وكل ماوجهت لك ذكرى
تبكيني عليك
وكل ماغمضت اشوفك
وكل ما اسيقضت من نومي
وانا اصبح عليك

تدري اني..!
كل صبح ومع شروق الشمس
انا اوله عليك
وتدري اني كل ماتغرب
وبحلول الظلام استوحش ويذبحني الحنين

وينك انت..!
كيف هنت؟
وهانت ايامي عليك
ليه تتركني جريح
وتقتل الفرحه بصدري
وبسهوله تبتعد وانا ابيك!!

وش اسوي..!
لاخلت دنياي منك؟
كيف اعيش..!
وين اروح..!

[غموض الشمال]

هانت محبتنا وفيني تهاونت..؟=حتى من الجوال رقمي مسحته
وانا الغريق اللي على صوتك (ادمنت)=سر(ن) ولاودي لك اليوم (بحته)