ابيات شعر وصورة - ضع صورة مع بيت شعر

[هيـاا العـازمـي]

ما هزني فـي هالزمـن غيـر .... إثنيـن
صدّك وشوف إسمك على كرت[الأفراح]

[عبدالعزيز السعود]

ياصبـاحٍ يسعـدك ياحلـى قمـر=وياصباح االنور ويانور الصبـااح
انت ذاك الضـي بعيـون البشـر=والشعاع اللي غشى كونـي ولاح
يوم شفتـك انجلـى كـل القهـر=وانرسم في هيئتي كـل انشـراح
ولك شعـورٍ داخلـي والله ظهـر=وجا يعبرلك عن الحـب المبـااح

الشــآعر // ماجد الجعفري ..

[هيـاا العـازمـي]

.
.




يا حامل الكامره مانيب مسروره
الثوب مشلوح بين الفقر والحاجه

صوّر وانا ضايعه بالصوت والصوره
تحت القدر والقهر والوقت وإزعاجه

أعيش سن الطفوله مير مقهوره
ما هو حرام الطفل ما يضحك حجاجه ؟

لو كلّ قلب ٍ يشيل العطف بشعوره
والله ما شفتني للعطف محتاجه

.
.

[احساس قلم]

ألا يا طفل لا تكبر .. كذا أحلى .. كذا أطهر

كذا لا هم يتراكم.. كذا لا ضغط لا سكر

ترى اسخف كذبة عشناها .. حكاية ليتنا نكبر

يا طفل احلم على كيفك .. احلم قدَّ ما تقدر

و اذا مليِّت .. خبي حلمك بدفتر

ترى الأيام سراقة .. ترى الآمال تتبخر

وتتبخر .. وستذكر ...

[عبدالعزيز السعود]

بتصفح التاريخ واقراء افصوله=واهني الشعب السعودي بانسان
انسان ما مثله بشر بالرجوله=بسلمان صرح المجد والمجد سلمان
الشعر يفخر فيك لحظة نقوله=ورياضنا يفخر وتفخر بك أوطان

الشاعرالجمـــيل : رابح العضيــــــــــان ..

[هيـاا العـازمـي]

.
.



أخاف .. أصغر.. بعينك .. لا أنكسرت .. وقلت محتاجك ..

وأخاف .. أتغيب عني .. والامل تقتاته " الأوجاع "

وأخاف .. أغرق وسط بحرك .. ولا ترحمني أمواجك ..

وأخاف تسافر .. وترحل .. وتقول إن الزمن ما طاع

[هيـاا العـازمـي]

.
.




إيه أنا طفله مدام إن السكوت أصبح طفولـه
وإلا متعوِّد ضجيجي يملأ غـرورك شماتـه ؟!

يا رجل مو بالتحدي عرَّفـوا معنـى الرجولـه
الرجل : شخصٍ لجل عين الوفا ترخص حياتـه