حروف متناثرة ارهقهاا الزمان

[محمد بن موسى]

لاصار خلك مبعدن وانت زعلان=دور على غيرة وغيرة ينسيك
عمر الزمن مايوم وقف على انسان=يمشي وفيه اشياء كثيرة تسليك
واللي تسبب في دمع سود الاعيان=ماهو كفو لمصافحة طاهر ايديك
خله يولي والزمن خير برهان=انه على نسيان مابك يواسيك

[محمد بن موسى]

.
.

البارحه وانا مع الخــــط الســريع !
اتذكْرك واقول ياليته ( معي )

واقول لو ان الوســـايط ، تستطيع
ارسلت لك فيها حـــرارة مدمعي !

ابسألك عن شي سويتـه / شنيع
قلبي نزعته كيف من بين اضلعي ؟


،،
،

[محمد بن موسى]

.
.


تاهت بك الخطوه / على سكة الخوف
....................... ما شفت / قلب ٍ في طريقك يهلي

جمر العتب ما طاح من سبة الشوف
......................... لكن / تاكد من احساسك وقلي

ان كان لك رغبه / معي تسكن الجوف
........................عطني / وتاخذني عن الناس كلي

[محمد بن موسى]

الموت حق .. واصعب العمر لحظات=من تفّقده في ظرف لحظه ودقيقه
موت الفجيعه .. يذبح النفس بسكات=وتنذاه مابين الحلم والحقيقه
البارحه يامهجة الروح ضحكات=من بينهم كلاً يمازح رفيقه
واليوم اصبحنا بواقع ومأسات=كلاَ سكت ودموع عينه غريقه

[محمد بن موسى]

ياكثر ماتبعد وياكثر ما أشتـاق=وياكثر ماني خآيف إنّا نتفآرق..
ليت (المحبه) كلها وصل وعنآق=عشآن لامنا زعلنا / إنتعآنق..!

[محمد بن موسى]

والله مدري وش سبب جزوة العين=عن نومها يا أهل القلوب الوفيه
مدري سببها من فراق المحبين=وإلا كذا حال الحظوظ الرديه
بس الأكيد ان أكثر الناس ممسين=وأنا عيوني طول ليلي شقيه
قمت اتحرا اللي بقلبي له سنين=والوم وقتً صار يقسىآ عليه
حال الزمن دونه ولا أدري على وين=راح وتركني والحشىآ فيه كيه
من يوم غبت وعاشقك خاطره شين=ماله على كثر الصبر مقدريه
ياشمعة الخافق وياكامل الزين=صدك بليا ذنب جرم وخطيه
ماتدري ان الجرح للمنجرح دين=وانا جروحي من فراقك نديه
جرح الزمن مع جرح فرقاك جرحين=تثر عليه بكل صبح وعشيه
عود عسى قلبك من القسوه يلين=لاصار غيرك مالقى قابليـه
وابنتظر ياصاحبي جيتك لين=ترجع وتبقى نار الأشواق حيه

[محمد بن موسى]

.
.


قُمْت آتصـدّد مِن طَيُّوفَه , لَا بْغَا جَفْنِي .. يَنَام .!
وَقُمْت آتَنَاسَا كُل ذِكْرَى , لْاقسَى الْشَّوْق وَطَرَى


وَلَا ذَعَذَع الْغَرْبِي عَصِيْر , وْجَاوْبُه .. نُوْح الْحَمَام
سَلَّمْت لِلْرِيّح الْكِبـر , وَارْجَع مَع الْذِّكْرَى .. وَرَّى .!

حَسْبِي عَلَيْه , أَقْفَا وَانَا .. ممْدَانِي ابَدَا بِالْكَلَام
وَلَيْتَه بَعْد مُقَفـا سَأَل , او لِيْت عَن حَالِي .. دَرَى .!

لَو كَان يَدْرِي , وَش خَفَيْتُه .. مِن وَرَى عِوَج الْعِظَام
مَا كَان عَيْنِي فَالْهِجـر , تَنـَضح .. ويجَفَاهَا الْكـرَى .!