اهدي بيت شعر للي قبلك - الصفحة 40 - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 03/10/13, (11:52 AM)

لاتتبع الموضه ولاتكشخ بزود
.................مزيون لو تلبس ضحى العيد خيشه
من يشبهك في هالحلا بات مفقود
................. ماذكر من رفحاء ليا اطراف بيشه
ياللي تجيد الذبح بعيونك السود
................ ينهار قدمك عزم هتلر وجيشه
يحق لك.. مال الترف عندك حدود
.............. تمشي ونحسب فوق هامتك ريشه
عايش وماتطلب بدنياك موجود
............. الله يسلم لي شبابك وطيشه
وش فيك ناسيني على الهون والكود
............... لاهي ترى حاله ولاهي بعيشه
وإن كان باب الوصل بالعيد مسدود
............... على الأقل.. افتح لي نص الدريشه
الشاعر/ باسم الوشيل (الزلفي)

**سليمان الجعفري** · 04/10/13, (03:23 PM)

لولا الهرم والفقر والثالث المـوت
،،،،،،،،،،،،،،، يالادمي بالكون ياعضـم شانـك
سخّرت ذرات الهوا تفهم الصوت
،،،،،،،،،،،،،،، وخليتها اطوع من تحرك بنانـك
جماد تكلمها وهي وسـط تابـوت
،،،،،،،،،،،،،،، تاخذ وتعطي ما صدر من بيانـك
وعزمت من فوق القمر تبني بيوت
،،،،،،،،،،،،،،، من يقهرك لوهو طويـل زمانـك
لولا الثلاث وشان من قّر الفـوت
،،،،،،،،،،،،،،، نفّذت كـل اللـي يقولـه لسانـك

**هيـاا العـازمـي** · 04/10/13, (06:04 PM)

.
.
.

ليا صفى لك من زمانك ثلاثة
......... أخوك، وإبناخيك، وعيال عمّك

عدّك ملكت أموال كسرى وراثة
......... وأطلق شنب بالمملكة مايهمك

**سليمان الجعفري** · 06/10/13, (09:33 AM)

بنت الأمير اللي عن ألفين رجـال
00000000 لبيـه يابنـت الأميـر الأمـيـره
يفـداك رجـال إذا قـال ماطـال
0000000 يبغى الطويلـة والطويلـة عسيـره
تفداك ضحكة نوف وعيون باسكال
0000000 مع خصر نوره وابتسامـة منيـره
يفداك ضل ارموش ساره اليامـال
0000000 وخدود ريـم الذابحـات المنيـره
تفداك كل البيض الـوان والشكـال
0000000 اللي صغيرة زيـن واللـي كبيـره

**هيـاا العـازمـي** · 09/10/13, (10:36 PM)

.
.
.

حنّا ثنين جداد .. مو نفس الاثنين
__ لا تنحرج مني .. اذا تلتقي بي

ماهو غلط لو قلت لي شايفك وين
__ حتى انا .. بآقول تشبه حبيبي ..!

**سليمان الجعفري** · 10/10/13, (06:25 AM)

ودي بشوفك يـا مطـول غيابـك
،،،،،،،،،،،،،،، بعدك علي الكون ياعزوتي ضـاق
أسهرت عيني في رجاوي كتابـك
،،،،،،،،،،،،،،، يمكن يهدي بين الأضلاع خفـاق
جفت غصون القلب وابطى سحابك
،،،،،،،،،،،،،،، للموت روحي ياهوى البال تنساق
ناشدتك الله لا يخيب الرجاء بـك
،،،،،،،،،،،،،،، عساك لي يا مالك الروح مشتـاق
قلبي معك لو تجرحه في عتابـك
،،،،،،،،،،،،،،، لا شك من دونك خطاويه تنعـاق

**أبو عبدالأله** · 10/10/13, (05:26 PM)

لا ضوى ليلي ونامت عيون الغافلين ..
طار نوم العين وإدموعها في موقها ..

مشكلة بعض الهموم الخفيه ماتبين ..
لين يأتيها ظلام المساء ويسوقها ..

ولا بغيت النوم حزة منام الهاجعين ..
جرت النفس الحزينه لحن طاروقها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري