ابيات شعر وصورة - ضع صورة مع بيت شعر

[عبدالعزيز السعود]

الجوغّيـم وكـلٍ رافـع ايديـنـه=يطلب من الله ولي الخلـق يسقينـا
الخالق اللي جميع الخلق راجينـه=سبحانه اللي على الدنيـا ممشينـا
نرجيه وحده يجيب الخير في حينه=ويسقي عباده ويرئف في مواشينـا

الشآعر :: مآجد الجعفري ::

[عبدالعزيز السعود]

حبك بوسط القلب مبني على ساس=واشبك تعاتبنـي وقلبـي عطيبـك
غلاك ماينقـاس بالـدر والمـاس=تفداك روحي واعتبرهـا نصيبـك

الشـــآعر الجمـــيل // نافع عيد الجديد

[عبدالعزيز السعود]

شمس الغلا غابت ! وبدر الغلا غـاب !=يعنـي نهـار الحـب يشبـه لياليـه!!
اول اقـول: الهجـر عـادة للاصحـاب=لو ما يجينـي تالـي اليـوم لا اجيـه

الشاعر : خلف الغــريب ..

[عبدالعزيز السعود]

صغيرة سن في عمري وشَعْري بالحزن شابي=صغيرة سن لكنّي شربت الحزن من فمّـه

الشآعرة // دمع الغــزال ..

[عبدالعزيز السعود]

وش نبي بالسيف صار السيف عاله=دام ما للسيف في هالوقـت قيمـة
اكبـر اهانـة لبـوش ولاحتفالـه=يدخل التاريخ فـي جزمـة قديمـة
لو ما صابت راس بوش ولا عياله=اعتبرها لانتصـار اكبـر هزيمـة
لأرعن امريكا ومن وقـف بجالـه=ما بقا عـزة ولا قـدر وحشيمـة
دخنت كتـف العروبـة بالرجالـة=ودفعت فاتـورة حسـاب الظليمـة
من يدور من غزاة ارضـه عدالـة=لا يحسب ما بقى له مـن حطيمـة

الشاعر / محمد العـــاند ..

[عبدالعزيز السعود]

هيا العازمي ..
شكراً لإطرائكـ و لتواجدكـ الراقي و الذي يضفي على الموضوع بريق كبريقكـ

فلكِ كل الاحترام و التقدير و دمتِ بخير..

[عبدالعزيز السعود]

في حينها شفت السمـا بـه بـدر و قبالـي بـدر=لحظـه عسانـي مـا اعدمهـا كـل مـا اتمنيتهـا
و أبياتي اللي كنت ارددهـا بصـدري مـن عصـر=ضاعـت!! و مـا كنـي لميعـاد الغـلا عديتـهـا
ورجعت اصوغ ابيات شعري له شطر . شطر . شطر=و من زود فرحـة خاطـري فـي جيتـه غنيتهـا

الشآعر :: مشعـــــــل الضوي ::