رسالة إلي الشعالين .. والرولــة

[هزاع الساري]

اي والله ونعم وكرامه ونعمين
..//..........وقوله نعم نقيض. قوله نعامه

ربعي وانا معهم على العسر واللين
..//.........وانا عدو من سبهم في كلامه

من دونهم يا زين قطع الشرايين
..//.........ومن دونهم يا زين طش العمامه

صحيح ماهو صوت شاعر وبيتين
..//...........وعلي من يمناي مابي رخامه

ادفع رضاهم كاش ولا ادفعه دين
..//..........ولا لي طموح بضحكــةِِ وابتسامه

طموحي اشوف الشعالين راضين
..//..........واصغر رويلي يحتويني سلامه




لقد اثبت للجميع يا مطلق بأنك لا تزال شجاع


صح لسانك يا ابو فهد


وان شاء الله عذرك مقبول عند ابناء العمومه


والكبير كبير

[هادي بن معزي]

عشت يا مطلق

صح لسانك ترليون

عشت عشت عشت

ما ادري وش اقول

بس الوكاد انت عارف وش ابي اقول

تحياتي

[الواطي]

مـــا قصــرت يــــابوفهــــــد عـــز اللـــه مــــا قصـــرت

واللي يفهـــم مــــا تبلش بـــه ميـــر البـــلا بــاللي ايلقــف الحكــي ويركض بــــه دون ادراك

والشعـــلان يكنـــون لكـــل شخص احتــرام شـــأنهم شـــأن غيــرهم

والنعم بك وصدقني الســـالفة مـــا حرفهـــا الا من يجهـــل االصحيــح ..

ولا هنــــت يـــالغـــالي

[عبدالله ثويني المانع]

أبو فهد ... صح لســانك وسلم فكرك

اعتذار ومدح لقبيلة غنيه عن التعريف بأمجادها ورجالها

قصيده تبين كرم أخلاق الشاعر المبدع وصفاء نيته وشهامته

دمت نقيا

[بندر المهنا]

الاخ الشاعر مطلق النومسي

لاهنت يا بو فهد


كلام كبير من انسان كبير


شكرا لك على الجزاله


تحياتي

[عبدالله التركي]

الاخ الشاعر الكبير مطلق النومسي كلام كبير من شاعر كبير دائماً في موقع الدفاع عن القبيله العزيزه اخي الفاضل انت عزيز وكلامك موزون والخطاء مع الطيب يهون وكيد ارويل ماهم من الي بانفسهم يشكون الله الله يامطلق!!!!!!!!!!!!!!!!!!!!!!!!!!!!!!!!!!!!!!!!!!



اخطيت انا واسوق عذري من الحين
..//............واردده.. حتى.. نهار ...القيامه

والرجل لاأخطـــى يعتذر مابها شين
..//...........ولا.. تلحقونه.. باعتذاره ملامه

العذر مني للرجال الموامين
..//..........وليا.. قبلوه يعد.. منهم. شهامه

هذا اعتذار يــحب رووس الشعالين
..//..........وعيونهم ... وخشومهم ...في ندامه

من كلمةً شينه وانا ماني بشين
..//..........ولاني بقاصدها ولكن غشامه

غشامــةِِ في معرفه ليه ومنين
..//..........اللي وجوده صورةِِ لإنعدامه

والريح ما هزت ثبات الضلاعين
..//..........والراس ما عيـّـبه جرح الحجامه

قولوا جهل قولوا محابل شياطين
..//..........ولا تقولون المذمه.. مرامه

انا بشر يخطي من الحين للحين


لك الاحترام والتقدير والاتبخل باروائع المتتاليه من مطلق النومسي
مع اجمل تحياتي