الباب فاتح للجميع - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**الحميدي بن طالب العنزي** · 20/07/10, (05:36 PM)

مابقى للعلم ياغير انطقه...
بعده انفى من حدود المنطقة....
مار انا باخذك معيه طقطقه....
ماعلى الدنيا ضمير مستريح....

ياللي تغوص البحر هات الدرر=وان شفت الامواج حذرا تقربه
قضيت عمرك على بطن وظهر=شجاع مار الظروف تقلبه

**نادر بن دوشان** · 20/07/10, (08:23 PM)

,

طاروق حامي وانا مع أخوي الحميدي بدون قصور في فهد . . .

متابع لكم بإذن الله . . .

,

**فهد222** · 20/07/10, (10:50 PM)

مالنا ومال التطقطق والطقيق
روح طقطق مع بنيات الفريق
اما انا ماني لحضرتكم رفيق
ماعلى الدنيا ضمير مستريح

عودت ترغي عقب مانت تهدر = ياطيب الفال لازم تنتبه
العيد جبته وبين من عصـــــــر = ياشاعراً ماعرفنا مذهبه

**نافع عيد الجديد** · 21/07/10, (01:07 AM)

سرررررررررررررررى الليل

**الحميدي بن طالب العنزي** · 21/07/10, (04:47 PM)

ادري انك يافهد شاعر خطير...
ولو بغيت اكسر جناحك ماتطير....
مار خل الوضع للامر الاخير....
ماعلى الدنيا ضمير مستريح...

بنك الغناء ماهو ببنك الفقر=والمجد ماكل رجل يكسبه
العلم موجود في وسط السطر=والسم يوجد بذيل العقربه

**الحميدي بن طالب العنزي** · 21/07/10, (04:50 PM)

نادر بن دوشان.....حياك الله ....ولنا الشرف بحظورك طال عمرك.....لاهنت...

ابو عيد.....ياهلا ويامرحبا........الله لايهينك.....

**فهد222** · 22/07/10, (01:20 PM)

كنت احسبك ماتخاف ولا تهاب
لين شفتك هارب وتنزف مصاب
والاماني صارت بعينك سراب
ماعلى الدنيا ضمير مستريح

الله يفكك من صدوف القدر = ويستر من ايامك المتشقلبه
اصبر فإن مع العسري يسر = مايفيد دمعك لو انك تسكبه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري