"كـــــثر الغموض.. اللي سكني وضوحــــــــــــي" - الصفحة 26 - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 10/10/11, (05:06 AM)

دكتور تكفى..لاتعالجبي ..امراض=ابي عذر..لاقالوا الناس ..وش فيك؟؟
اكتب لي..التقرير..واسباب الاعراض=وخل الدوا..عندك لمرضان..ياتيك
ابي ليا قالوا..علام الدمع ..فاض!!=ولا علامك..ناحله ويش ..مخفيك!
اقول دمعي..من ألم ..داخلي هاض=وحالي من ..اسباب الوجع دون تشكيك؟

**غموض الشمال** · 12/10/11, (07:16 AM)

يارب ..لو همي بروحي .. كميته=عليه متطلعن.. ولو صكت .. ابواب
ان بحتبه .. ولا بقلبي ..خفيته=انت اللذي .. تعلم خفيات .. الاسباب
ياااارب ماغيرك..دعيت .. ورجيته=لانامت.. عيون البشر.. والقمر غاب
محدن يمن .. بشي ربي .. عطيته=وليا خذيته .. خابه كل .. جياب
الطف بحالي .. يارحيمٍ .. دعيته=يارازقن .. خلقه بلا علم..وحساب
فوضت لك .. امري وحالي .. شكيته=ماخاب من .. يرجي لرحمتك .. طلاب

**غموض الشمال** · 12/10/11, (07:28 AM)

ضيق وسهر واحزان ليل وكوابيس=اليا متى والضيم حكمه اعاني
همٍ بصدري مثل نار القراطيس=تشب دون محاوله في ثواني
جود بقلبي مثل نبت المغاريس=اللي بعد وسمٍ من الخير زاني
اعيش بالدنيا حياة المفاليس=والارصده همٍ ذخره الزماني
يالله ياعالم بحال المتاعيس=تزيل حملٍ فوق الاضلاع باني
ترحم حياة اللي غزته الوساويس=لوهو ضحك يعيش ضيق الثواني

**غموض الشمال** · 13/10/11, (12:43 AM)

جامل بكل احساس بالكون جامل!=الا مشاعرحب وهيام الارواح
حنا بشر منهو بنا شخص كامل=نخطي ونرجع بعد مانخسر ارباح
ياصاحبي كانك على القرب صامل=تعاااال قبل الموت هدام الارواح
شوف الدمار بقلب مغليك شامل=وشف العزيز اللي بعد غيبتك طاح
حاصره همه بين عدة عوامل= ارضاك /وغيابك / وقربك /والاصلاح
حتى النفس من بعد فرقاك خامل=انت اكسجينه موطنه مصدر افراح

**غموض الشمال** · 15/10/11, (08:17 PM)

ما انته بيمي..لوتقول انك معي!=وين المحبه..والغلا والاهتمام؟
اول تبي قربي..وتسعى له سعي=واليوم تستكثرعلي..حتى الكلام
باصبر على وضعك..واعالج بوجعي=ولاني عليك..مدوره كثر الملام

**غموض الشمال** · 18/10/11, (03:51 AM)

وانت معي اشتاق لك كيف لورحت=تروح روحي معك ياروح روحي
مثل الطفل باشماغك اتعلق وصحت=لاتغيب عني قبل تبرى جروحي

**غموض الشمال** · 21/10/11, (10:00 PM)

( اللهم خذ حقي ممن ظلمني بماشئت وكيفما شئت )

روح جعلك كثر جرحي تنجرح الفين مره
..........................وكل دربن ينفتح لك يقفله همٍ طواك

ياعساك تذوق ماذقته هوان ونااار حره
..................وياخذك بذنوب نفسك شخص مايرحم رجاك

جعلك باغلى الحبايب تنفجع وتذوق مره
.....................او تجرب كيف تقهر والقهر يحرق حشاك

عشت ظاااالم ...ذلل المظلوم ..شره
......................واتمنى لك تعيش الظلم واتحسه وطااااك

لو تنام الليل عينك السهر عيني مقره
........................اسهر وادعي اله الكون لايسمح خطاك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري