سجل دخولك للمنتدى ببيت شعر اعجبك

[هيـاا العـازمـي]

.
.
.

لـ الشوق
في صوتي [ قصيدٍ ، وبحّه ]
أقسى من طْعون الأهل ، والقرايب ..
قلبك غفى
عن طاري البعد صحّه ..
تعبت أحبك
وانت لـ الحين غايب !

[البقمي]

يرضيك لاقالوا توفى وخلاك

من جور هجرك مالقى له مداوي

ويرضيك لاعيّد عياده بلياك

كنه يعزى في كبار البلاوي

أرحم عليلٍ في حياته تمناك

يعزف على الاوتار عمري شقاوي

البقمي

[محمد بن موسى]

سبحان من خلى من الستر غايه=تبقى العفيفه .. فِ السوالف عفيفه
وما يستر العوجا ( نقاب وعبايه )=زوّد على قلة حياها .. سخيفه

[هيـاا العـازمـي]

.
.
.

أحيان يغني عن الـتعـبير بـلعات ريـق
لاصار في داخلك زحمة شعور وحكي

[محمد بن موسى]

يـابـنـت قـــاف الـشـعـر يـمـلـيـه الاحــســاس=والــمــشــكــلــه مـــــاكـــــل حــــــــــس ٍ يـــعـــبــــر
الــحــس قــــدره بـالـصــدر قـــــدر الألــمـــاس=مـــهــــمــــا صـــــواديــــــف الــلـــيـــالـــي تـــــزبــــــر
وان كان مات كليـب مـن طعـن جسـاس=فـكـم واحــد ٍ مــن طـعـن الأحـبـاب يقـبـر
وان كان بعض الحس حبر ٍ بقرطاس=فـكـسـر الـقـلــوب الـصـادقــه كــيــف يـجـبــر

[بروق الشمال]

اراعي ظروفه والعرب تكشف المستور= وانا ماني بحوله ولاني بقطره
حمامن يجر الصوت في طينه المهجور= يجره حزن ولا يجره من البطره

[فراج زايد]

اخطيت في حق نفسي مادريت وبلشـت
ولوني ادري عـن الغلطـات ماجيتهـا
ماعرف اكذّب ولاوني كذبت انكفشـت
حاولت اعـدي المسافـه مـا تعديتهـا
حاولت امثل واحاول بس ولله طفشـت
اكتـم علـى النـار وتولـع كباريتهـا
بردان ومّن الفكر ومحاولاتـه عطشـت
والناس حولي تسولف بس مـا اوحيتهـا


فراج زايد