سجل دخولك للمنتدى ببيت شعر اعجبك

[غموض الشمال]

ياللى تناسيت الع ـهود الوثيقه
ماعاش من قبلك بدنياه مرتاح
,
لآبدّ من يومٍ وتشوف الحقيقة
تشوف لوُعات الزمن كيف تجتاح

[بنت الكحيلا]

أنا والليل والضيقة نجاهـد ( جرهـدي البـوح)
.................... عسى في فضفضة شعري / تنفسني صباحاتي!!

[غموض الشمال]

دام الهدب شرّع لك الباب سمّـي
يالعبره اللي ملحها يجرح العين


وان ذلني دمـع ٍ مسحته بكمي
ياكم تذل المخدجه فرخ شاهين

[بنت الكحيلا]

قالولي العذال بـع بـع ولابعـت
وطاوعت فيني من يقولون بع بع
لوما غلاتك كان بعتك وطاوعـت
ما طعت فيك اللي يقولون طع طع

[غموض الشمال]

افترقنا ماعرفنا خطانا كيف صار
آه ياقلبي تدور على اللي يوجعك

قالها يمزح وانا كانت اخلاقي دمار
قال ابودعك واروح قلت الله معك

[بنت الكحيلا]

سلام مثل الشيك بأثنين مليـون. .
يزيد فـي قلـب الفقيـر الوناسـه
بالله ياللي صوب داره تمـرون. .
ودوا سلامـي لـه بليـا قيـاسـه
قولوا له أن الشوق ياناس ملعون. .
يحـد قلـب الآدمـي للتعـاسـه
وأنا على شوفه شفوق ومفتـون. .
شوق المرشح يم صوب الرئاسـه

[محمد بن موسى]

ياللي على دنياك ضايق ومحزون=فكر معي خل الكدر والكآبه
مادمت في حكم المقادير مرهون=خل الزعل ماجابه الرب جابه
اضحك على دنياك بالعسر والهون=واللي يصيبك صاب غيرك صوابه
ولو البشر ماهم مع الوقت ينسون=ما شفت بين الناس ضحك ودعابه