تكفون .. يا اهل النخوة .. نخيتكم

[محمد المقبل]

ماتفيدنا عـن مدنـا كثـر الاعـذار @@ وعن العطا باخلاص مامـن بدايـل

ماتفيدنا عـن مدنـا كثـر الاعـذار @@ وعن العطا باخلاص مامـن بدايـل

ماتفيدنا عـن مدنـا كثـر الاعـذار @@ وعن العطا باخلاص مامـن بدايـل


اخوي مشعل الفدغوش


صــــح لســــــانك ولاهنت

بيض الله وجهك على هذه الرائعة الهادفه لفعل الخير وبشرك بان أهل الخير بكثره بين مجتمعنا والدال على الخير

كافاعله والكثير يتسأل عن رقم الحساب الذي يتسنى لهم المشاركة عن طريقه وانت وضحت الكثير من المعلومات

المهمه ونحن وضعنا بنر مناداه موضح به رقم الحساب الخاص بعبدالمجيد اعاده الله لاهله أنه هو السميع المجيب

وكما قال الشاعر

الناس ماتدري عن الداي من غاد @@ محست الجمره على من وطاها

مشعل الفدغوش بارك الله فيك وجعلها الله في موازين حسناتك

[بنت العبيّه]

من...غيرتي دم الوفاء باالحشا فار....

ويفنى....الآصيل ولا تذل الآصيله...


صح لسانك مشعل على هاالباذخه..


انخى...الطنايا مرذية قب الآمهار...

شمر....منارٍ من زمآآآآآن الآوايل...


ابشر باالفزعه وانا بنت ابوي...نخوتك تحتم علي نقلها لمن لم يعلم بها

من شمر...


الله لا يهينك مشعل وصح لسانك....

[تركي صالح]

مشعل الفدغوش

صح لسانك اخي الكريم

والجميع ولله الحمد من أبناء القبيله متفاعلين

وهذا ما تعودناه منهم في المواقف الصعبه

وأنهم لمفخرةً لنا على ما بذلوه وما سوف يبذلونه




تقول هنا

لا بارك الله بالقصايـد والاشعـار
..........................واللي كتب يشحـذ جميـع القبايـل
نقدر نسد الدين مـن ربـع دينـار
.........................بامر الولي ووقوف صدق ٍ صمايـل
.
.
.
.
.
.
.
.
.



وهنا تقول

بنخى عتيبه دام صار الذي صار
..........................=حيث إنهم رمز الفخر والجمايل
وأنخى الطنايا مرذية قب الامهار
..............................=شمر منار ٍ من زمان الاوايل
وأنخى بني لام ٍ تجي درع واسوار
..........................=حتى غدوا للمجد مضرب مثايل
واهل البويت اللي لهم عبق الازهار
..........................=تاريخهم مجد وفخار وفضايل
ومطير برق وخير ورعود وإعصار
.........................=واليا انتخوا يروون حد السلايل
ويام الفخر والطيب بالسر وإجهار
...........................=اللي لهم في كل موقف دلايل
وحرب الحرابة في مواقيف الأخطار
.......................=اهل الكرم والجود واهل المثايل
تكفون هبوا يا هل الطيب والكار
..........................=لانقاذ روح ٍ بين عدل ٍ ومايل

وألف نعم بجميع قبائل الجزيره العربيه


دمت أخي العزيز بكل خير

وتقبل فائق التقدير والاحترام

[عبدالله عايد]

مشعل الفدغوش

يعطيك العافيه وصح لسانك

ولكن هناك ثلاث مواضيع متضاده بهذه القصيدة نستغربها على شاعر مثلك

ونتكابرها اذا كانت مقصوده

ففي البداية كنت تتكلم بعدة ابيات ان الموضوع يجب ان لا يتجاوز القبيلة ولا يحتاج الى النشر ولا الرسايل وعتبت على

بعض القصائد والشعراء اللذين استنجدوا بالقبائل وذالك لثقتك بالقبيلة وانهم قادرون على الوقوف لمثل هذه الامور



لا بـارك الله بالقصايـد والاشعـار
واللي كتب يشحـذ جميـع القبايـل
نقدر نسد الديـن مـن ربـع دينـار
بامر الولي ووقوف صدق ٍ صمايـل
مادامنا بين المـلا نرفـض انصـار
القـول يدعـم بالمواقـف فعـايـل
موقف فخر يحفظ لنا روح الاسرار
من غير كشـف ٍ للخفـا بالوسايـل
ماهو قصور ٍ في مواقيف الاخيـار
والله يعـز اهـل الوفـا والنفـايـل
ترى المواقف ماتبي بـث الاخبـار
ولاهـي بلحيـة نخـوة ٍ بالرسايـل
ماتفيدنا عـن مدنـا كثـر الاعـذار
وعن العطا باخلاص مامـن بدايـل

وبعد هذا التمجيد وبعد ان اسميته ( موقف فخر ) وطلبت ان يكون (من غير كشف للخفا بالوسايل)

تعود لتقول ان الوضع مزري وربوعنا متربعين بالاقطار واللي نخاهم وسط قلبه غلايل

ربوعنـا متربعـه وسـط الأقطـار
واللي نخاهم وسـط قلبـه غلايـل
ما تنثني لـو يقـرع متيـح للطـار
وامر الولي مايرجعه قـول عايـل
الوضع مزري في تفاسير الاحـرار
وش عاد حال القاصـرة والخمايـل

ثم تنقض كلامك بالبداية وانت من قام باللوم على الشعراء اللذين كتبو للاستنجاد بغيرهم لتقول


بنخى عتيبه دام صار الـذي صـار
حيث إنهم رمز الفخـر والجمايـل
وأنخى الطنايا مرذية قـب الامهـار
شمر منـار ٍ مـن زمـان الاوايـل
وأنخى بني لام ٍ تجي درع واسوار
حتى غدوا للمجد مضـرب مثايـل
واهل البويت اللي لهم عبق الازهار
تاريخهـم مجـد وفخـار وفضايـل
ومطير برق وخير ورعود وإعصار
واليا انتخوا يـروون حـد السلايـل
ويام الفخر والطيب بالسر وإجهـار
اللي لهم فـي كـل موقـف دلايـل
وحرب الحرابة في مواقيف الأخطار
اهل الكرم والجود واهـل المثايـل


لا اضن ان كل هذه الامور المتنقاضة مرت دون حسبان من شاعر بحجمك ولكن اسئل مالقصد بهذه التناقضات ؟!!