منقية الشعر ..مجموعة قصائد للمبدع عبدالله سماح المجلاد

[خلف الغريب]

تدرين ويش اللي تـركتيه للروح =عند الـوداع اللي قَطَعْ عنق الافراح
ثورة حزن مجتـاحةٍ دولة البوح=وسحابــةٍ بـرّاقـهـا بالقهـر لاح
وسِيْرَةْ خَطَا:ليت الخطا كان مدموح=وقلبٍ شبع ضيق، وغرابيل، وجراح
وجرح الخفوق اللي بيمناك مفتوح=على بـراويـزه حمـام الشقا ناح
ودرب الجفا اللي مالنا فيه مصلوح=والخاطر اللي مـن غثا الوقت مارتاح
وسمر الطعون اللي بِدَتْ تنهش الروح=وضيٍّ هجر من غيبتك عين مصباح
وحرقه،وضيم،وضيق،وهموم،وجروح=وباقي خـرز منثور من خيط مسباح
ودمعٍ على خـدّ المقـادير مسفوح=وصدرٍ تزاحم بـه سكاكين ورماح
وعينٍ تسولف للسهـر قصـة النوح=وصرخـة يتيمٍ مـا سِمَعْتِيه لو صاح
واقسى مسـامير المواجع على الّلوح=وبـاب الفراق اللي بضبّـه ومفتاح
وغصنٍ يِشَوْحِنّه كفوف الهوا شوح=ثـاوي وِتَلْعَبْ فيـه اعاصير. وارياح
ورصاصة الرحمه من كفوف مملوح=وجثـة ذبيح،ودمع ثكـلى،وذبّـاح
وإحساس شاعر في فيافيك مطروح=ونزف الخفوق اللي بصدر الورق طاح
هذي بقايا مـا تـركتيـه للروح=روحٍ نـزعيتهـا قبل نـزع ا لارواح
على كِـذَا:ولاّ كِـذَا منك مذبوح=واللّه يِعَوّضْني بِعُمْـرٍ مِـعِـكْ راح

[جلال الدرعان]

عـــزيزي خلف الغريب
الله يعطيك الف عافية على المشاركة الرائعة وهذا التواجد
الرائع والمميز وهذا العطاء الغير محدوُد اللى عوُدتنا عليه
بشكل يوُمي .



سلمت اناملك على ما خط قلمك
امتعتنا بروعه الكلمات الأكثر من رائعه
من روعة وابداع وتألق وتميز الشاعر
المبدع / عبدالله سماح المجلاد
ودام قلمك المتالق والمميز والمبدع
بأنتظار روائعك بكل شوق

[بنت الكحيلا]

انتقاء في غاية الروعة والجمال

صح لسانك اخوي خلف والغريب وصح لسان الشاعر عبدالله المجلاد

والله يعطيك العافية على جلب هذه الدرر الثمينه إلينا

ابدعت وامتعت بهذه المجموعه بارك الله فيك


لك شكري وتقديري

[تركي فلاح]

الله يبيض وجهك شاعرنا



وماقصرت على هالنقل ..




دمت بود ..




تركي فلاح

[مازن الفهد]

قصائد ثمينه
وجدت كنز هنا
ماشاءالله تبارك الله
هذا الشعر

[سالم صالح]

هذا الشعر الحقيقي

وانتقاء مميز من استاذ شعر استمتعت بهذة الزاوية

تقديري