ويش رجلاً ياسكن داخل البئر // محمد خلف الزايدي

[محمد خلف الزايدي]

المشاركة الأصلية كتبت بواسطة مزيد المزيد

يعطيك العافيه يامحمد ولاهنت على هاللغز الرائع ..

عندي رمعتين ادري انهن سماويه لكن القصد المشاركه :

البركان او البترول

دمت بخير

المزيد هلا وغلا

( حظ أوفر )

كسبنا زيارتك

[أبو غرام]

المشاركة الأصلية كتبت بواسطة محمد خلف الزايدي

لغز على الخفيف حتى لاتصير زحمه بالباص الأقشر,,

ويش رجلاً ياسكن داخل البئر=زانت امور اللي على الأرض يمشون
ون طلع للناس سوّا المصاخير=ولو إندفن لاتامنه ماهو مضمون

أبوعبدالله

المشكله يابو عبدالله كاتب خفيف وحنا بنشرنا هنا

مالها إلا عبدالعزيز السعود الله يستر عليه

بناديه لك

هو قاعد متمركي على دكة الاحتياط وبفمه عود يلوكه يقول

هاه عجزتوا ؟

الظاهر بنومي له بروسنا إن ماخليتنا نحله بسرعه

[محمد خلف الزايدي]

المشاركة الأصلية كتبت بواسطة كاتب الجعفري

مزيد المزيد

انا اوفقك في الرمعه الاولى: البركان

اخوي كاتب شرفتنا

لك عوده حميده

وهذه غير محسوبه

تحيه طيبه

[محمد خلف الزايدي]

المشاركة الأصلية كتبت بواسطة ابو غرام

المشكله يابو عبدالله كاتب خفيف وحنا بنشرنا هنا

مالها إلا عبدالعزيز السعود الله يستر عليه

بناديه لك

هو قاعد متمركي على دكة الاحتياط وبفمه عود يلوكه يقول

هاه عجزتوا ؟

الظاهر بنومي له بروسنا إن ماخليتنا نحله بسرعه

ابو غرام الله يمسيك بالخير

لا تكفى لايدري عبدالعزيز السعود عاجز لاصلح واحد نبي نتسلى به شوي ورايح تلقونه
وانا شاك من حاجه يمكن قريني وقرين عبد العزيز اخوان أو عيال خالات ويعلمون بعضهم

تحياتي للجميع

[مزيد المزيد]

محمد

ماهي لحية حظ اوفر لازم نحله وانا باسبق ابوغرام

ماء الرديتر

(( عندي احساس ان حل اللغز بالسياره مدري ليه ))

[عناد الغريب]

ابو عبدالله مساك الله بالخير

عن قولت ماشاركنا نبي نرمع اللغز

وش رائك بالسر وكتمانه

على قولتهم سرك ببئر

وانا من هالحين مربط عفشي ومتجه للباص

[محمد خلف الزايدي]

المشاركة الأصلية كتبت بواسطة عناد الغريب

ابو عبدالله مساك الله بالخير

عن قولت ماشاركنا نبي نرمع اللغز

وش رائك بالسر وكتمانه

على قولتهم سرك ببئر

وانا من هالحين مربط عفشي ومتجه للباص

أخي عنادالغريب,,

ماشاء الله تبارك الله صح لسانك

أنت من وين طلعت علينا هربنا من الخيل وطحنا بالجيش على قولت السعيد مافيك حيله,

هالحين يلزمك تعوضنا بلغز بس لايصير صعب يعني وسط خير الأمور اوسطها


شكراً للجميع