ماجد الولدعي وضربه في الصميم ؟؟

[سلامة الجعفري]

دام البقا من هجوس ٍ ماتعنيني = يالشاعر اللي على الطرقة مخاويني
لكن ّ اوصيك والا انته توصيني = سبحان من يعلم الاسرار سبحانه

ماني غشيم ٍ ولاانته ياصحيبي غشيم = والطيبه من رجال ٍ بين ٍ طيبها
لكنّ وش فيك تسري كل ليل ٍ بهيم = بعض الليالي ترى ماني بساري بها

[سلامة الجعفري]

شكرا لجميع المتابعين

[نافع عيد الجديد]

سلامه الجعفري

سعوط المجانين


صحت لسنتكم

[سعوط المجانين]

انته وانا ياسلامه مانبا وصايه = اللي حضر مننا يقدر على الرايه
لكن ّ سوق القدم لن كان لك غايه = سبحان من يعلم الاسرار سبحانه

لنته برحّال ياضوي ولنته مقيم = اتعبتني فالطروق اللي تغني بها
خلك على حالك اللي مايسّر الكريم = مدام مسرى الذيابه منت ضاري بها

[سعوط المجانين]

ناجي الخمشي , نافع الجديد

لاهنتو وصحة ابدانكم

تقديري

[سلامة الجعفري]

البيت ياصاحبي مبني على ساسه= وانته لو انك عطيت الشور حراسه
ماضاع وقتك مع اللي ضيع الطاسه = سبحان من يعلم الاسرار سبحانه

المشكله من قناة البث وانته فهيم = خلك معي فالصلاة اللي نصلي بها
ماجيتك الا وانا ادري فيك جرح ٍ اليم = لكن وش النية اللي صرت ناوي بها

[سعوط المجانين]

ضيعت وقتي لجل ياصاحبي يفهم = مير البلا من تدنّي مأشر الاسهم
بلشت في فكرته مع قلبه الادهم = سبحان من يعلم الاسرار سبحانه

معك الحصانه وقلبك يرتجف يالعديم؟ = خايف شيوخ العرب ترفع مشاعيبها !!
من زومة اهل العليا ماتت اهل النسيم = يالله عسى اهل الكبر تقطع مطاليبها