سجل دخولك للمنتدى ببيت شعر اعجبك

[محمد بن موسى]

‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​يجوز الحذر في وقتنا الشين والتنبيه
يعوق الصدوق وينتعش راعي النمه

زمان(ن) تغير مذهب الناس في تاليه
غدينا كما اللي ياكل الزاد ويذمه

يضيع الجميل وصاحب الحق مايعطيه
ولا يامن الرجال حتى ولد عمه

وأحب الصدوق وطيب القلب ووصيه
على الصبر ومرافق هل الخير والذمه

[بنت الكحيلا]

يسامحني رفيقٍ كل مااخطى قلـت لـه مسمـوح !
على كبر الهقاوي من رفيقـي مرخـي حبالــي

ماهو بـ ذنب الكفوف اللي شذاها بالجميل يفـوح
الى من صافحت بعض الردى في بعض الاحوالي ؟!

ماهو بــ ذنب الوفا والنيّه البيضا وطيب الـروح
وانا ثـوب الجمالـه مالبستـه جـرد واسمالـي

على كثر الكلام وكثر غيضـي مانويـت آبـوح
عساهـا ماتعـود الكلمتيـن اللـي علـى بالـي ؟!!

[محمد بن موسى]

,

تفضحني العبره ويدركني العوز
ويهل وابل دمعتي من مزونه

في داخلي رمحٍ من الغدر مركوز
يطول عمري ما تلاشت طعونه

من جور فعلك به تباريح وحزوز
ترقص على جرحه غرايب لحونه

هو ذنبي ان حبك مخبى ومكنوز؟
وإن بار خلي والله اني ما اخونه


.

[بنت الكحيلا]

واصل طريقك دام ماشي على حـق
والصبر زين وْمرضي الناس كايـد
ومن سار لو طالت خطاويه يلحـق
وَلا صديق الا... بوقت..... الشدايد ..!

[محمد بن موسى]

طفـله وتلعـب فـي لعابيــبها دوم
لا شافت الدمعه تقول أنت وععا

ماتـدري أني طـول الأيام محروم
فالصبح بقعا..وآخر الليـل بقعا

[عوض بن خميس]

مــا كلّ أحلامٍ تحقّق و بتصير
............ يمكن تكون احلامنا هيْ قَدَرنا
نمشي ولا ندري إلى وين بنسير
............ لكن إذا جتنا المصايب صبرنا

[محمد بن موسى]

الزمن يمكن يغيّر شخص ماله أي قيمه
.......... بس مآ يقدر يغيّر واحد عنده " مـباديْ "

يمشي الواثق ويجنح للدروب المستقيمه
.......... ويقضي " المهزوز " عمره بين خلق الله غآديَ !