سجل دخولك للمنتدى ببيت شعر اعجبك

[صالح العرجان]

@



@



@

[سندريلا]

ياخي لي اسبـوع واخلاقـي تجاريـه
Made In China ماهي ميـد ان (جاباني)

ضاقت عليّـه ومـع كبـر السعوديـه
اقول ياصغرها مـن هاجـسٍ جانـي

ياخوي مافـي البنـات اليـوم حنيّـه
والحب بالوقـت هـذا !! لعـب بزرانـي

حبيت لي بنت واحسبها علـى النيـه
واقـول ياحليلهـا هالبنـت تهوانـي

ببدايـة المسألـه كـانـت مثالـيـه
ولاعلى لسانهـا الا ذكـر (افلاني)

حبيّبـه صادقـه حلـوه رومنسـيـه
لو قالت ابغى عيونك ترخص اعيانـي

وفي ليلـة ٍ مظلمـه ماهيـب ورديـه
نايم عقب ماقضيـت الليـل سهرانـي

جوالـي بحـروة الثنتيـن فجـريـه
نسيت احطه على (الصامت ) وصحّاني

رديت واوحيت صـوتٍ ما اخبـر زيّـه
فيه الدلـع والغنـج والثقـل ربانـي

قلت ارحبي قالت ابقـه قلـت يابنيّـه
من انتي؟ ووش على هالفجر طرانـي

قالـت حبيبتـك يا ( افلان ) هـاذيّـه
صديقتي من زمـان وشانهـا شانـي

لكنهـا خانـتـك ماهـيـب جـديّـه
واصبح معك في هواها واحـدن ثانـي

حاولـت ابخلـي الاوضـاع سـريّـه
لكن جرح الغـدر والصمـت عناّنـي

تمشي على مبدأ (الغير الولـد ميّـه)
واقول حتى البنات اشكـال وألوانـي

مانـي بزعـلان والدعـوى طبيعيـه
بالعكس توّي صحيت وربـي انجانـي

والنفس ماهـي بهالاشكـال مشقيّـه
قولي لها تمسـح ارقامـي وتنسانـي

ماعاد لي فـي دروب الحـب موليّـه
وشّوله اخلص واذوق المر واعانـي؟

مـدام هـذي هـي افعـال الهواويـه
البعد خيره عـن اللجـه والاحزانـي

لابـوهـ لابـو العـلاقـات الغرامـيـه
اللي بهـا مخاشـره بفـلان وفلانـي

[صالح العرجان]

يا مـل قلـبٍ كـل مالتـم الأشفـاق
من عام الأول به دواكيـك وخفـوق

إن عن له تذكـار الأحبـاب واشتـاق
باله وطاف بخاطـرة طارى الشـوق

[سندريلا]

البارحه صار ليلي غيـر كـل الليـال
هبت علي الهمـوم وجيـت مشتالهـا
هبت هبوب الشقاء علي والحـظ مـال
والحال في تالـي الايـام يرثـى لهـا
طرت علي الطواري من جنوب وشمال
ونزلـت للحـق معدالـي ومعدالـهـا
وقعدت انا والطواري فوق صفر الدلال
حتـى تقهويـت فنجالـي وفنجالـهـا
ساعات نرضى ولانسلك طريق الجدال
وساعات من كثر ضيقي ينعمس بالهـا
حتى نويت السفر واعلنت شد الرحـال
للخطوه الي تنومـس والسعـد فالهـا
يم ابو عبدالعزيز الشهم واف الخصال
اهديت دق البيـوت الشـرد وجلالهـا
عمهوجتن طاغيٍ فيها الدلـع والـدلال
من الحيا مانثنى عن وجههـا شالهـا
ساهرتها يوم ياضيدان مسـراي طـال
وجريت من ضيقتن بالصـدر موالهـا
واحلمي اللي غدى بين الرجاء والمحال
سحابـةٍ خيـلـت مـاهـل همالـهـا
حتى تجرعـت سمـك يالليالـي زلال
لوشحت علي الغصون الخضر بظلالها
ثالث سنه ماهديت ولاهـدا لـي بـال
اطرد ورى اللي مروحتن علـى فالهـا
وضحا زهتها الجنايب والدلع والجمـال
امتيهه فـي جنـوب الـدار وشمالهـا
واقفت وانا اقفيت مالي بالمواصل مجال
الا جـروحٍ بوسـط الصدرمدهالـهـا
الله ياعمري اللي قبـل لبـس العقـال
وانا بحالي وكل النـاس فـي حالهـا
واليوم حالي مابين الميـل والاعتـدال
شايل حمولٍ تفتر حيـل مـن شالهـا
ارفع لك الصوت ياضيدان لكـن تعـال
العقـده المبهمـه تــراك حلالـهـا
سلمتك العلم كلـه ياعريـب الخـوال
من بعـد ماشحـت الايـام بوصالهـا

[صالح العرجان]

هبـي بريحـه يا هبـوب الشمالـي
كود الجنوب ومطلع الشمس ينصـاه

يـامـا ويـامـا فرقتنـا الليـالـي
وعزي لمن يصفـق شمالـه بيمنـاه

[سندريلا]

عرفت أن الفراق الموت ... على قلبي انا بالـذات
لأن الموت والفرقا .... مثـل ( عمـر ) ونهاياتـه
\
تذكر لا بغيت تموت .. يـا خلـي بعـض كلمـات
أحبك مـن شـروق الكـون حتـى اخـر أوقاتـه

[صالح العرجان]

ابات مهموم واصبح مستعد للهم
,,,,,, ،، اضحك مع الناس كاتم لوعتي بصدري