"كـــــثر الغموض.. اللي سكني وضوحــــــــــــي"

[غموض الشمال]

شفني التزمت الصمت..والصمت طول=عن الحكي يغني كثير السكوتي
مادام وجهك عن مساري..تحول=انا علي طول الصبر.. والصموتي

[غموض الشمال]

يمه يانور الكون مانسى جمايلك= ولانسى جهادك يوم ليه تربين
ياما حملتيني وهمي احملك=وياما سهرتي لراحتي ماتنامين
من صغر سني كل حملي اشيلك=وكبرت وانتي كل همي تشيلين
الله على حنية القلب جابلك=وعيبي تشوفينه بعينك ولا شين
ياعلها تحرم على النار اناملك=بها حملتيني ودمعي تكفين
لو امدحك والله ماوفي خصايلك=اعجز عن التوصيف ياقرة العين
حقك علي اعظم من احصي فعايلك=وفضلك علي ماينحصر بين سطرين
والله يايمه فلا الحق جمايلك=ومقصره لو احملك فوق متنين

[غموض الشمال]

ياليت مفتاح القلوب بيدينا=نحب من نبغى ونبيع من باع
ماكان غربلنا الزمان وشقينا=ولاشفت بالدنيا حزينٍ وملتاع

[غموض الشمال]

اشتقت انا لشوف الشمال وأراضيه=دارٍ تضم اهل الكرم والمواجيب
اشتقت لترابه وسهله وواديه=من غبت عنه عفت لذ المشاريب
الله يعين اللي مفارق اهاليه=ضيفٍ ثفيلٍ واهجروه المعازيب

[غموض الشمال]

يالله تفرج ضيقتي وترحم الحال=من هم قلبي ضايقتني هدومي
وقصر عليه وحشة الليل لاطال=ويسر اموري يالطيفٍ رحومي

[غموض الشمال]

ياعل عيني للعمى يوم تبكيه=وهو سبب دمعي وسبة شقاها
مليت من صده..وتعبت اراضيه=من حبته جن وتساهل غلاها
ماعاد ينفع به عتب مع مشاريه=يحسب بنات الناس لعبه شراها
انا عطيته كل قلبي براعيه=واعظم حقوق الحب كثرة عطاها
الحب ماهو غطرسه قل واليه=يخضع قلوبٍ عالي مستواها
في زود هجره والقطاعه بجاريه=عفت المحبه يالعن الله ثواها

[غموض الشمال]

احساسي الليله حزين


والقلب مليان بأنين


والنفس بالهم اغرقت


والعين بالدمع ابرقت


هذا هو احساسي كدر


قصة قهر ماهي قدر؟؟