سجل دخولك للمنتدى ببيت شعر اعجبك

[**masha3el **]

ياعين هلي دمعتك لاتملين
غلطان انا يومي ردعتك وخايب

وآخر وصيه من فهم حالتي زين
وآمن بقلب ٍ راح في الحب ذايب

ينحت على قبري رموز ٍ بحرفين
وينحت سهم وقلوب فوق النصايب

[غموض الشمال]

قال لوحبيت غيرك وش تقول=قلت احاول قد ماقدرامنعك
قال وان عيت تطاوعك الحلول=قلت احبه يابعد عمري معك

[علي الرماحي]

جتني تقهويني .. وانا خاطري شين !
والهم راح وكنّ ما فـ الصدر شيّ


تاكل حلا .. واقول وش له تحلّين
بس إبلعي ريقك / وعقبه تقهويّ

[احساس قلم]

كلي فخر لاقلت عضوه بويلان * *وكلي شرف يومٍ بارضه رسينا
واكبر فخر مديرنا ذرب الايمان* *هندي ابن مقبل بحكمه رضينا
ولكل عضوٍ فيه قدرٍ وله شان * * تقديرهم حق(ن)واجب علينا
واجمل تحيه لكل زاااير ولاهان* * مني غموض ومالحقه نسينا
\\.

صح لسانك ياغموض
جازتلي الابيات

[علي الرماحي]

ياصغر نسبة فرق شكل الرجاجيل
وياكبرها لا صار موقف ورجال

هنا يصير الفرق اوضح من سهيل
تطلع رجال وعكسها تنزل رجال

[**masha3el **]

تركت قليبي البارح يصارع رغبة التوبه
.. و انا ادريبه ليا قرر يتوب ..تردده حيره

.. يبي يقسى و مو قادر .. يجي ينسى و يادوبه
بدا ينسى .. يجي يلعب وفاءه بـ ام تفكيره

[سعود المسعودي]

يا ليت لأَصحاب الرّدَى لون وأشكال
.......... من شان نَفْرقْـهُـم من اهْـل المواجيب