سجل دخولك للمنتدى ببيت شعر اعجبك

[عبدالعزيز السعود]

ماكل من يضحـك بدنيـاه مسـرور
لو ضحكتـه دايـم تحـرك حجاجـه
وما كل من يبكي من الناس مقهـور
بعض الدموع رخاص من شان حاجه

[رابح الغضيان]

طبيعيــــة بكل مابي واحاسيسي .. طبيعية

وأولها كحل عيني .. من دموع السهر ... والليل !!!


العيوف



قمة القمه

اعجبني ابعاد هذا البيت





طاب فالك شاعرتنا

[هيـاا العـازمـي]

.
.
.

بين ضيق وبيـن فرحـه بيـن حـب واحتيـاج
حايره.. مدري شبلانـي وخايفـه انـي اضيـع

بين أنفاسي تصارع .. وسط أضلاعـي احتجـاج
خافقي ماهوب طيّب .. نبـض بعروقـه سريـع

في حنايا الروح صدمه سببـت وسطـي انبـلاج
يآآآآهـ.. يا أحساسي بضعفي ياهو بالمرّه فظيع

[علي الرماحي]

اذا شفت الزمن مقفي بعينه نيت التجريح
رهنت النفس للعليه الين تموت مرهونه

ترى خير الكلام الذكر واشرف مفرده التسبيح
ودنيتنا قصيده واعتقد ماهي بموزونه

[سعود العواجي]

تسجيل دخول :

انا لاازعلت "مياده" عرفت اني بدون احساس = عرفت ان الرضا مخلوق لجل عيون "مياده"!!
احس بصوتها "بحه" تخالط رقة الانفاس = واحس بقلبها طفل ٍ يعيش الحب واعياده
تناثر من "شفاياها" بقايا "اللول" و"الالماس = وطوق مسمعي حتى لبسته "عقد" و"قلاده"!
تعبت آرتب افكاري وادوّر للغلا مقياس = اثر حتى غلاها يفوق معنى الحب ..وزياده !!
ماابي"نوره" ولا"ذكرى" ولا"زهره" ولا "ايناس" = وماابي "ورده" ولا "ساره" ولا"حصه" ولا"غاده"!!
مدام ان "صوت مياده" يدق بخافقي اجراس = وش اسوي مدام الله خلقها موت لعباده .

سعـود

[علي الرماحي]

صح لسانك سعود


وين الحبيب اللي بصدرك تضمه

و وين الصديق و وين تبغا تلاقيه



ومن لايشم الورد خشمه يصمه

يصم خشمه صم ويسكر أذنيه



وجهٍ يعد من الوجيه المرمه

وأهل الوجيه البارده مالها وجيه



ويطلع صديقك في نهار الملمه

وإن ماطلعلك مابقي شي ترجيه



ومن يقترب من شر يمكن يعمه

لو إن هذا الشر ماله دخل فيه



الداب فارق رمثته قبل سمه

فرقاه خير من تحذر حواليه



وأن صادفك من حط راسه بكمه

لاتناقشه في شي والا تناحيه



ولافيه للقمام غير المقمه

ولافيه للمجنون ياغير أهاليه



ومن لايروم العز والا يشمه

خله يولي لعنبو من يماشيه



ولاخير في رجال مايفور دمه

ولاخير باللي مايقدر بناخيه



ولاخير باللي كل شي يهمه

ولاخيربالرجال لابان خافيه



ولاخير باللي مايوايق علي امه

وإيعرف ماتبغاه قدام يشريه

[عبدالعزيز السعود]

من انت يومك في خيالي تمكنت = كنك بعيني ماخلق حد غيرك
كانك قمر في ليل ظلمى تبينت = وانا المحب الي بحبك اسيرك
اسهر معي تكفى عن الهم لاهنت = لايشغلك وقتك وتنسى عشيرك
خذيتني في عالم الشوق وامعنت = في كل رحلاتك تبيني سفيرك
الله دعاني في محبتك وامنت = ورضيت ماجاني بشرك وخيرك