سجل دخولك للمنتدى ببيت شعر اعجبك

[صالح الضويحي]

انسى المتاعب لاضحك لي محيـاك
وآهيم بك لامالت الشمـس صوبـك



ان حطني موجك على جال مرفـاك
خذني بعيـد وخلهـم لـو دروبـك




ردد صدى صوتي وأنا كلي افـداك
ياااالب قلبك يا حلاوة أسلوبـك

[ساجر الحثربي]

والله لو ماتكتب يابو روز ابي احرم اقراء بيت واحد .........



سلة اوجاعي - سليمان المانع

--------------------------------------------------------------------------------

وجع شعر ووجع شوق ووجع ضيقه
على كيفك و اهاك اختار سله اوجاعي

غلا و اسمع نزيف الجرج كلام الصمت ما أطيقه
أنا محتاج اسولف لك عن أول و اخر اوضاعي

و ابد لا يجرحك صوتي حياة طير تحليقه
و عليك الله تصير الكون و المسباق و الداعي

أنا أصدق طير بالدنيا عشق حتى مسابيقه
ولكني بديت أذكر معاك ايام مرباعي

تعال أفتح كفوفك حلم و زموت بيوم تحقيقه
تعال أرسم بحور العشق و كسر لو تبي شراعي

تعبت افتش الدفتر و احس بحزن تطبيقه
دخيلك غمض عيوني و خل الشوف لاصباعي

أبي غيم سرق ربعي و ذللهم بتشويقه
أكون أول بشر مجنون تزوره بالعطش قاعي

و حتى لو و هم تكفا أبتوهم بتصديقه
أبي ذاتي أبي مولد يوازي صرخه الناعي

أحس بداخلي عالم حرام اقتل مخاليقه
حرام ؟أسكت و انا صوتي نذرته وجه لاتباعي

يا اول قلب يبكي لي و تبكيني مواثيقه
انا اطباعي مهي زينه و لكن هذي اطباعي

تغرب بي قوافل موت اقول العمر تشريقه
اعيش غيبوبه واعرف ان الزمن واعي

اكمل لك وجع خوف ووجع فقر ووجع ضيقه
و على كيفك ترتبني حلالك بالهوى اوجاعي

[الجوكر]

عمر الخطا ماكـان نـوع بصـــــفاتي
حتى مشيت العـــــام دربـك وشفتـك


انا غلطـت بحـــــق نفسـي وذاتـي
غلطه بدت من يـــــــوم جبتـك وضفتك

[رابح الغضيان]

ياللي غلاكم عمرله بيت بفوادي=تعال اعلمك سرٍ عنك مكتومي
ياورد يافل يايسمين ياكادي=ياجنة الروح ياعطري ويشمومي
تبي الصراحه ولايدرون حسادي=قلبي وعقلي معك خذ صادق علومي

رااااابح

[هبوب العنزي]

فيه فرقٍ بين تحديث العقـل والخالـي
وفيه فرقٍ بين سفلـيّ الجبـل وعلـوّه
ماعلي من كثرة القيل وخطـاة القالـي
لاقعد يكتـب وينقـد ماقـرى وينـوّه

[هبوب العنزي]

المشاركة الأصلية كتبت بواسطة رابح الغضيان

ياللي غلاكم عمرله بيت بفوادي=تعال اعلمك سرٍ عنك مكتومي
ياورد يافل يايسمين ياكادي=ياجنة الروح ياعطري ويشمومي
تبي الصراحه ولايدرون حسادي=قلبي وعقلي معك خذ صادق علومي

رااااابح

اخي الفاضل والشاعر صاحب الكلمه النقيه,,, ابيات في منتهى الجمال
والابداع لله درك,,

[هيـاا العـازمـي]

.
.
.

بين الغياب اللي طعني والحضور
حسيت في شي ٍ يشتت وحدتي

همّ وسط قلبي يعاود لي شهور
في كل وقت ٍ بالرخا ويشدتـي