صباحكم ورد الجمييييع كيييفكم
جاني مسج يقول صاحبه شفيها العيوووف كأنها فقدت شوي ثقتها في حروفها صارت تسبق كل قصيده جديده بقولة ماني شاعره ولكن انثر لكم نزفي
اعود لأقول فعلا لست بشاعره بالحجم اللذي اعطونياه شبكة ويلان اللذي اخجلوني بكرم وجودي بينهم اللذي اعتبره شرف بحد ذاته
لكن اليوم اتيت لكم بهذه الجديده اللتي انولدت على الكيبورد متأخره وفرحانه فيها مانمت وأنتظرت حتى ينبلج الصباح لأنشرها لأن جهازي مايعمل إلا على الطاقه الشمسيه <<<< تنكت عيوف وش عندها اليوم
مااطول عليكم وأتمنى ان ترتقي لذائقتكم
حيّوه يستاهل تحيه وتقدير = شاعر .نجم. مركز. ولافيه زيه
قدر يجيب اللي عجز عنه الغير= ملك خفوقٍ ماتمنى سويّه
وداس الغرام اللي مضى دون تبرير= باع الهوى من دون ذنب وخطيّه
مرّات أقول الخير ماعاد به خير= ولاعاد ابا الدنيا عقب غاب ضيّه
ومرّات أقول ألاّ ترى مفارقه خير= أسج بوقتي بين روحه وجيّه
وأتابع الأخبار صرت أعرف بلير= وعرفت ليه إيران صارت قضيّه
وإن التحالف شر ونا أحسبه خير= وإن العراق اليوم راحت ضحيّه
وقريت شعر أبو العلاء وسالم الزير= وتاريخ ماربيّا مع البندقيّه
وعدّيت أنا أول جامعه دون تقصير= وعرفت لأول مرّه اني ذكيّه
وأقول مابه خير!! إلاّ أول الخير= يكفي فهمت إن اليورانيوم قضيّه
تبي الصدق: يكفي كذب ماني بخير= أبيك لو أعيش عمري غبيّه
عيوووف