جـــمـــرة غــــــلا

[مزيد المزيد]

الاخ الشاعر / عبدالعزيز فريج الخدلي


هلابك ياغالي وشكر" لمرورك الكريم وتواصلك العذب


صح بدنك ولاهنت


دمت بخير

[مزيد المزيد]

تركي صالح


هلابك ياغالي وشاكر لكل حرف" خطه قلمك هناااااا ويكفيني فخر" مرورك الكريم


دمت بكل خير

[مزيد المزيد]

الشاعر العزيز / خلف سليمان البجيدي


هلابك مليون وعطرت حروفي بمرورك الكريم


صح بدنك ولاهنت


دمت بخير

[مزيد المزيد]

كبرياء انثى


هلابك وشكر" لمرورك الكريم وتواصلك العذب


نمسك الخشب حنا على بروزك ونشاطك معنا عبر هذه الشبكه

ونرحب بكِ من جديد بيننا ...



صح بدنك ولاهنتي


دمتي بخير

[الصقار]

المشاركة الأصلية كتبت بواسطة مزيد المزيد

اسعد الله اوقاتكم بكل خير



حصل خلل في المنتدى مما ادى الى حذف القصيده واحببت اعادة كتابتها من جديد .

مجنونها بالحب والقلب مجنون=مايعشق الا بنت عز واميره
درة بحر في وسط محار مدفون=وكل اليدين اللي تبيها قصيره
شامت عن اللي بالمحبه يحبون=وحبت خفوق" في غرامه جديره
وانا بعد مالي سواها بهالكون=مثل القمر لاغاب مافيه غيره
في حبها ما سمع سواليف وظنون=وفي قربها تصبح همومي صغيره
أميرتي مجنونتي ليه ماتمون=واصغر اصابعها شعوري تثيره
يا تاجي اللي ماملكته على هون =عزالله انك للانوثه سفيره
أن قلت احبك غارت عيون وعيون=كني مسوي لي جريمه كبيره
كلن ينشدني وش العلم وشلون =يستانس النجدي بوسط الفجيره
واسكت .. افكر .. كل علما" له فنون=والسيف حدّه مايضره جفيره
نسيوا منام طريف في حضن قسيون=يوم الدلع يلعب بقذلة سميره
ونسيوا ولّه جده على شوف عجلون=وهلّم جرّا والنماذج كثيره
وانا خفوقي ذنبه اللي يقولون = انه مجرد قلب يملك جزيره
والقلب عذره كل دقاته شجون=جاته سحابه بالمشاعر غزيره
جمرة غلا ومشعلله وسط غليون = راعي مزاج ومنبسط باتعميره
والعذر وافي .. والغلا راس ومتون=والشوق وصلة حب والصّد غيره
وقلبي معاه الحق والسر مكنون= بين المحاني ثبت الله مصيره
ومجنووونها لو قالوا الناس مجنون = قال : ايه عادي عاشقٍ لي أميره

ابداع ........................ابداع ....تسلم اخوي مزيد....ادري انك تقول...نقظ جروح العود...

[سالم صالح]

الشاعر المبدع


مزيد المزيد ------ فعلا انت (مزيد الشــــــــــــــــــــــــــعر)


دائما وانت تزيدنا وتزيدنا الى حد الثمالة بما هو رائع وجميل

فلقد قرات القصيدة من اول بيت ولم افق من هذا الشعور الى في اخر بيت

وكان القصيدة بيتين وهذا يدل على تماسكها وسلاستها وعذوبتها لذلك اصابتني بالذهول

لله درك يابو راكان فانت استاذ ومنك نستفيد يامزيد الشعروالابداع

تقبل تقديري واحترامي

[مزيد المزيد]

ابن هندي


(( نقض جروح العود / والعود قاااضي ))


هلاااااااابك والابداع بحضورك وتواجدك

دمت بكل خير