موقف إنساني بالعلا ـ أربعة من قبيلة الفقراء ينقذون حياة مواطن

[بنت راشد]

أربعة , لو , مواطن , موقف , الفقراء , بالعلا , حياة , ينقذون , ف , إنساني , قبيلة

موقف إنساني بالعلا ـ أربعة من قبيلة الفقراء ينقذون حياة مواطن


حادث حقيقية اتتني رسالة من احد الاصدقاءعن طريق الواتس ومضمونها موقف إنساني من جهه ومن جهه آخر فعل رجولي مشرف يبيض الوجه وبما اننا هنا نحمل اسم قبيلة عنزة يحق لنا ان ننشر ونفتخر بكل علم غانم وفعل مشرف لعيال وايل حبيت انقل لكم هذا الموقف....
في ظهيرة يوم الأ ربعاء ١٤٣٤/٤/٣ هـ ذهب أربعة اشقاء من قبيلة عنزه من فخذ الفقراء وهم أحمد وممدوح ومحمد وعبدالله أبناء غانم بن مطير الفقيري العنزي لمحافظة العلا وأثناء وقوفهم عند إشارة مرورية دخل المحافظة تفأجوا بشاب عشيريني ينزف عنقة مجروح جرح كبير وفخذه ايضاً ينزف وساعده مجروح ويجر نفسه على السيارات ويستنجد بالناس ولكن بدون جدوى الكل يغلق زجاج سيارته ويذهب خائفياً من المسأله او ان يتورطون بقضية او اتهام مع هذا الشخص المصاب فقام احد الاخوه المذكورين اعلاه وهو أحمد فناداه قائلاً: اركب معنا بسرعه فالتفت المصاب له وهو يردد دخيلك ياولد لان الإصابه قويه والجروح تنزف بشده مما جعله لا يستطيع السير على اقدامه بشكل طبيعي ففزو الاخوه من السيارة وقامو بحمل المصاب مسرعين به إلى سيارتهم فقام اصغرهم سن بربط شماغه على ساعد المصاب لأن وريده ينزف واسرعوا به إلى المستشفى وتم معالجته وتحويله إلى مستشفى المدينة المنورة والشاب اسمه شايق الجهني قام مجموعة شباب بالإعتداء عليه وضربه على عنقه وطعنه بفخذه بسكين واصابات مختلفه بجسده وكان سبب الاعتداء بالخطأ لان الجناه اعتقدوا أن المواظن شايق الجهني هو من اعتداء على ابن عمهم في مضاربه سابقه , وتم القبض عليهم .

وتجسيداً لهذا الموقف نظمة شاعره من العلا ابيات شعر مستغربة من فعل المواظنين ورفضهم إسعاف المصاب وايضاً مفتخرة بفعل الاخوه الي اسعفو المصاب
وتقول الشاعره :


البارحه صابني هوجاس = وافكر الوقت وش كونه
الخوف قطع قلوب الناس = جريح عيو يشيلونه
جرحه ع موقعٍ حساس = يصب عنقه على متونه
اخوان منيره هل النوماس = تبينوا له ينادونه
قالوا سليم وخطاك البأس = بالحوض عيو يحطونه
اخو منيره عليها داس = سواقها حط طبلونه
صغيرهم خمده بلباس = عانوه يوم الله بعووونه
الطيب يبغى قوي البأس = ما كل ناسٍ يطولونه
الله يحي عريب الساس = على الشجر تنبت غصونه
يوم ان اهلهم على الافراس = خويهم ما يكبونه

المصدر: مجالس قبيلة الربيلات من عنزة - من قسم: مجالس قبيلة عنزة الوايلية

[سعود المسعودي]

بيض الله وجيهم

وصح الله لسانك

[حمد الضوّي]

بيض الله وجيههم وهذا الفعل ليس غريب على الطيبين
اللي مثلهم عزالله ماقصروا ويستاهلون المدح

شكرا للشاعره التي جسدت هذا الموقف النبيل بهذه الأبيات الرائعه
وشكرا لك أختي بنت راشد على إيراد هذا الموضوع والموقف البطولي




أنقى تحيه