( الشيخ نايف عماش السويلم )

[منصور الرويلي]

المدح يزهى كل وافي ومطنوخ = اللي فعول الطيب بأسمى صفاته


.

سلام يارمز الفخر والشهامه = يالوافي اللي مايخون المواثيق
نسل الحرار اللي رفيعٍ مقامه = مثل النداوي يوم تل المسابيق
شيخٍ يثمّن بالمواقف كلامه = من مقتبل عمره يروم الشواهيق
اللي فرض على الجميع أحترامه = ومكانته عند الرجال المطاليق
حرن تعلا فوق متن الغمامه = يامحلقٍ في قمة المجد تحليق
على الفخر والمجد ماخذ وسامه = هيبة وقاره بين مبدى وتوثيق
من راس قومٍ تعتلي كل هامه = عاداتهم فج الصدور المغاليق
كل الشموخ بعفته وأحتدامه = يرقى على رجم الطويلات ويويق
له نظرةٍ فيها يصوب أسهامه = وله وقفةٍ مثل الفرج حزة الضيق
هذا سِمْي أبوي رمز الكرامه = مواقفه من هولها ينشف الريق
من طيب ذاته يسّعدك بأبتسامه = ومن طيب راسه معتلي قمة طويق
مايقبل الهزلات وأهل الرخامه = يشوم عن درب الردى والغرانيق
من هيبته حاز الثناء والزعامه = يشهد على طيبه جميع المخاليق
عليه من طيب الخصايل علامه = (نايف ولد عماش) عز المطاليق
لو كل حرفٍ يستثير أهتمامه = كان أحتفي بحروف كل المطافيق
نطلب له الموُلى يحقق مرامه = ويجعل حياته كل أبوها توافيق

.
.

[منصور الرويلي]

أضاءه :
ـــــــــ

تشرفت بدعوة الاخ العزيز الشيخ نايف بن عماش الغضوري
للمشاركة مع نجوم الشعر في حفل زواج اخوانه (بدر ـ بندر)
والحمدلله اني تجملت مع ربعي الويلان ولم يخسر النايف الرهان
الكرم والجود من أسمى الصفات التى تفتخر فيها قبيلة عنزة العريقه
الهديه عند الرجال الوافيه اكبر حافز معنوي وحينما يهديك أبناخيك بشت
قدام الرجاجيل هذا اكبر وسام فخر في زمان يكفينا الله شره وهذي الهدية
لها ردها الاخوي من حروف شعر لم اكتبها من باب المجاملة ويستاهلون ربعي
(الغضاوره) القصيد والعلم الغانم وهم من رموز الفخر لجميع الويلان والله يرعاكم
...

كان الوفا يسبق حروف المكاتيب = كان المواقف بالفعول الصمايل

على الغلا مابه ضيوف ومعازيب = حنا أهل .. ياكاسبين الجمايل

ياللي غلاكم بالضلوع المحاديب = مايوصفه بالشعر جزل المثايل
لعيونكم جزل القصايد هناديب = وصدق المشاعر بالحروف الجزايل

جينا نسوق أسمى التهاني مناديب = في ليلةٍ فاحت ورود وخمايل

جعل الفرح مبروك يامنبع الطيب = ياراعي الوقفات واف الخصايل
يامسندي ياشوق خشف الرعابيب = فعلك ينومس بالفخر كل وايل

من راس قومٍ مالحقهم عذاريب = يشهد لهم بالطيب كل القبايل

(غضاوره) ساس الوفا والمواجيب = رمز الشجاعه والظفر والفعايل

تاريخهم يسمو عن الشك والريب = وأفعالهم مثل السيوف الصقايل

يوم أنها بالشلف والا المشاعيب = رؤس الرجال أمطوعة كل عايل

أدناهم اللي لا نخيته كما الذيب = له فزعةٍ تشفي القلوب الغلايل

والنعم باللي يعرفون المواجيب = والغانمه تزهى عيال الحمايل

.
.

[حمد الضوّي]

الشاعر القدير

منصور الرويلي

صح لسانك مدد بلاعدد والف نعم بالمادح والممدوح
والشيخ/ نايف بن عماش السويلم رجل يستاهل
لاشك . وانت بيض الله وجهك ماقصرت
تشكر على هذه الشامخه







انقى تحيه