قصيدة النجر

[حمد الضوّي]

اقتباس:
المشاركة الأصلية كتبت بواسطة مشعل التريباني

(( بســــم الله الرحمـــــن الرحيـــــــم ))

الشاعر / مشعل بن عسام التريباني الشمري

(( قصيدة النجر ))

يقولون خل النجــــــــر مالك ولا الإزعاج=يكفي به الطاحون والنجر وشلكبـه
وانا قول قلبي ما يطاوع به الهـــــــراج=ما اطيع به لو قالو النجر مالكبــــــــه
نجري يونسني إلـــــى دنق الهلبــــــاج=احب صوته حــــب ماحدٍ يشككبـــــــه
يانجر حبك بيــــــــــن هدف الحنايا لاج=والحب يحكم كــــــــــل قلبٍ تشر بكبـه
لا تنصحوني عن غلا النجر مايحتــــاج=والله ماسمع هرجة اللـــــــي تهمكبـه
انا احب صوت النجر لو زود اللجـــــلاج=مالوم قلبي لو غلا النجر شركبــــــه
يا حلو صوته يوم جــــوك الرجال افواج=على جال نارك وازرق الهيل يفركبـــه
في مجلس راعيــــــه طيب وطلق حجاج=ياجيت معك اجناب راعيه ودكبــــــــه
إلى لفيت البيت عـــــــدك على هـــــــداج=ماهـــــــو بهلباج هروجه يلكلكبـــــــه
الله من قلــــــــب تصافق به الامــــــواج=والعين كن بموقها الليف يعركبــــــه
وقلبي اللي صاير بـــــــــه بلا وخـــــلاج=اسباب دورٍ راعي الطيب يهلكبــــــه
وش لون صوت النجر به للرجال ازعاج=كلامٍ خطاء واللي عطا العلم غركبـــه
انا اقول صوته في خلايا الدماغ عــــلاج=تصحي خلايا الراس ياقام يدبكبــه

الشاعر القدير

مشعل التريباني


صح لسانك على هذه الشامخه بشموخك
بموضوعها الجميل جدا ً وهو ( النجر ) وهو الذي تطرق له كثير من الشعراء
في الزمان السابق والحالي أيضا ً لما له من قيمه عظيمه عند القبائل العربيه وخاصة قبائل الجزيره العربيه

أسمحلي أخوي مشعل بملاحظتين بسيطتين أرجو أن تتقبل ما أقوله بصدر رحب

ألا وهما
1- الشطر الثاني من البيت الأول ( يكفي به الطاحون والنجر وشلكبه ) فلو قلت
( يكفي عنه طاحون والنجر وشلكبه ) تكون أبلغ وأقوى من وجهة نظري .
2- من المعلوم أن لون الهيل أخضر وليس أزرق كما ذكرت .

علما ً أن هذا لايقلل من قيمة القصيده فهي وافيه من شاعر وافي ومتمكن
والدليل إختياره لقافيه صعبه خاصة ً قافية الشطر الأخير من كل بيت وهذا
لايستطيع يبني عليه إلا شاعر مقتدر ......

هذه تبقى وجهة نظر قد تصيب وقد تخطئ

وأكرر صح لسانك يامبدع


ودي وتقديري