حسبي على برقا وحسبي على رووق ..!!

[عبدالرحمن الجابري الحربي]

السلام عليكم ورحمة الله وبركـــــــــاته

أضع جديدي بين أيديكم وكلّي أمل أن يرتقي إلى ذائقتكم

إهـــــــدااااء خااااص جدًا / لأبو أمـــل العتيبي

.................................................. .................................................. ..............................

مشتاق له بالحيل ميّت من الشوق=والشوق فيني واصل اليوم حدّه
غايب وأنا قلبي من البعد محروق=مدري وش اللي ناوي (ن) عقب صدّه
أحيان أقول إنّه من القلب مسروق=يبغى وصالي بس غيري يردّه
وأحيان أردد ليه والصوت مخنوق=موج الغلا يا شين جزره ومدّه
وأحيان أردد كل مطرود ملحوق=باكر يبيّن ويش ناوي وودهّ
بسّ الأكيد غني أحبه ولا أروق=يا غير لا شفته ولا مست يدّه
مخلوق لكن غير عن كل مخلوق=أرتاح لامن شفت ضحكات خدّه
الدم يا خفّه وبِهْ حِسن منطوق=وإليا حكى ما كنّ بالناس قدّه
المسك بأنفاسه وهو منبع الذوق=واللي يشوفه غصب عنّه يودّه
أصبحت أنا ويّاه عاشق ومعشوق=مير الغياب اللي بلا عذر مدّه
حسبي على برقا وحسبي على روق=خلوا حياتي بين ضيق (ن) وشدّه
ليته يعرف إن الهوى حق وحقوق=من شان درب البعد عني يسدّه
الزين ما يشفع ولا يرفعه فوق=بالذات لامن وقّف الوصل ضده
شمس الغلا ما تنوي لا غابت شروق=والبيت دون السّاس سهل (ن) تهدّه
حتى لو إنْ حبه له جذور وعروق=ماني بمتعوّد دروب المكدّه
إما يجيني شوق وأجيه بالشوق=ولاّ النّظر لا عاد فيني يلدّه
وإن كان ينوي بيعة العشق بالسوق=والله لبيع العشق وأبيع جدّه

،،، وسلامتكم ،،،

تحياتي / شاعر عظيم المشاعر ،،، 4/5/1433 هـ --- 27/3/2012 م

[حمد الضوّي]

عبدالرحمن الجابري

صح لسانك على هذه الشامخه بشموخك
إبداع بلا حدود لافض فوك . الف شكر على الإتحاف
والف نعم فيك وفي من إهديتها إليه




ودي وتقديري

[بنت راشد]

عبدالرحمن الجابري
صح لسانك على هذه الشامخه بشموخك
الله يعطيك الف عافية والله بافيك

[محمد المالكي]

وعليكم السلام ورحمة الله وبركاته

الشاعر / عبدالرحمن الحربي ( عظيم المشاعر )

مثل هذه الرائعه ولما لآ ترتقي الى ذائقتنا , تفردّت بما كتبت , وحوت اماني كُل قاري انها كُتبت به ..

صح لسانك ..

[ابوسلطان العنزي]

الاخ عبدالرحمن الحربي صح الله السانك ولايستغرب منك شاعرمتمكن والله يفقك

[بدرفهد الجعفري]

الله الله على هذا الابداع يا الجابري

انت شاعر كل يوم ترقى صعود

ابدعت وامتعت فصح لسانك

[خلف الغريب]

صح لسانك اخوي عبدالرحمن ومشاعر لا شك عظيمة

تحياتي لك