رد على الشاعر القدير عبدالمحسن الجلوي( شعرك كما طوق الذهب با الايادي)

[ابو غريب العبدلي]

اقتباس:
المشاركة الأصلية كتبت بواسطة حمد الضوّي
ابو غريب العبدلي

صح لسانك وإعتلى شانك رد وافي وكافي وانت تستاهل
بيض الله وجهك ولا يمدح إلا الطيب وأنت أفعالك تدل على طيبك
وطناخة راسك وحميتك لقبيلتك . وياليت نشاهد من رجال القبيله الاثرياء
أُناس يحذون حذوك وينهجون منهجك بارك الله لك بمالك واصلح الله لك ذريتك
وامد الله بعمرك . هكذا ينبغي أن يكون الرجال .. بيض الله وجهك حد الرضى


( يقول المتنبي )

عَلى قَدْرِ أهْلِ العَزْم تأتي العَزائِمُ=وَتأتي علَى قَدْرِ الكِرامِ المَكارمُ
وَتَعْظُمُ في عَينِ الصّغيرِ صغارُها=وَتَصْغُرُ في عَين العَظيمِ العَظائِمُ

وصح لسان الشاعر القدير/ عبدالمحسن الجلوي بيض الله وجهه
وأنت تستاهل أكثر




لك مني اجمل التحايا





صح بدنك اخوي حمد ماعليك زود ويستاهل كل خير اخوي عبدالمحسن علمه غانم وبيض الله وجه


ابوغريب العبدلي

[ابو غريب العبدلي]

اقتباس:
المشاركة الأصلية كتبت بواسطة سالم العنزي
صوت وصدى اروع لشاعرين كبيرين

صح لسانك يابو غريب وصح لسان الشاعر عبدالمحسن الجلوي




صح بدنك اخوي سالم الف شكر على المرور

[عبدالمحسن الجلوي]

اقتباس:
المشاركة الأصلية كتبت بواسطة ابو غريب العبدلي
قصيده متواضعه ردا على شاعر اعتبره من فحول الشعر واعتبره من الرجال الافياء
واصحاب الخلق والقيم الشاعر عبد المحسن الجلوي وكلي عذر على القصور والتاخير

واتمنى من الاخوان تنسيق القصائد مع الشكر لهم





قصيدة الشاعر القدير عبدالمحسن الجلوي

يابـو غـريـب العبـدلـي يالنـجـادي=النـاس تجمـع وانـت مالـك نهابـه
لــو انــت عـنـا منتـحـي بالـبـلادي=تجي مثل جي المطر بالسحابه
سـحـابـةً واثــنــوا عـلـيـهـا الـعـبــادي=اللي شرب واللي بروضه رعابه
يـقـداك بالامـجـاد والطـيـب قــادي=مـن شايـبـن روح ولا صــك بـابـه
عـسـاه فــي يــوم الـنـدا والـمـعـادي=فــــي يــــده الـيـمـنـى يـسـلــم كـتــابــه

رد متواضع على القصيدة

يامرحبا ترحيب ماله مدادي=يامرحبا با الشعر واللي سعى به
ترحيبة الطيب عريب الجدادي=لاجاه ضيفن قال يامرحبابه
صوت وصلني مثل صوت الرعادي=يهز وجدان الخفوق وسرابه
يا شاعرن ما يكتب الا الريادي=الروح تفدا حافظين القرابه
شعرك كما طوق الذهب با الايادي=مفتول فتل وكل رجلن يهابه
وانا على رب العباد اعتمادي=رزاق خلقه بين جحرن وغابه
والمال والدنيا تراها سمادي=ما ينفع المخلوق غير الانابه
وختامها مسكن مع شوي كادي=تهدا لرجلن خصني في كتابه


ابوغريب العبدلي

مرحبا ومسهلا بالاخ العزيز على قلوبنا جميعاً أبو غريب العبدلي صح لسانك على الرد الرائع بروعتك ونقاء سريرتك وانت تستاهل كل خير يعلم الله والبويتات اللي كتبتهن انا ماتوفيك حقك وطيبك لكنها من صميم قلبي وانت تستاهل أكثر وعلومك غانمه .. آسف على التأخر بالرد لأني لم ادخل المنتدى منذ فتره حتى اخبرني احد الاصدقاء فبحثت ووجدته بيض الله وجهك ..
.. كما اشكر اخواني الاعضاء وجميل ردودهم في منتدى ويلان بيت الجميع ... أستودعكم الله أيها الاحبة..