اقتباس:
المشاركة الأصلية كتبت بواسطة حمد الضوّي
أحبتي اضع بين أيديكم هذه القصيده ..متمنيا ًأن تحوز على رضى الجميع
ياعرب شبه الجزيره
كل ماجيت اكتب الأشعار تسبقها العباير= من هموم بضامري لاجَتْ وقامت تستثيره
كيف أعبر كيف وانا منبهر مذهول حاير= تهت والفكر إنتشر وأزريت لا اجمع نشيره
المشاكل دايره من حولنا والشرّ داير= من بلاوي وقتنا يارب نطلبك الستيره
العرب عوّد وطنهم زند يقدح بالشراير= حولة بالمسلمين مصيبة ٍ عظمى كبيره
الأمن مفقود كله والتعامل بالذخاير= ما وطيتي زان طحنه يالرحاة المستديره
وقلب وجْل ٍ فيه خوف وعين عنها النوم طاير= ولاوجدنا علاج علّ ٍ منتشر في كل ديره
قلنا تونس وانتهينا وراحت الدعوى جراير= ياعربنا لامتى ووضاعنا ماهي قريره
ياعرب شوفوا بلاد الشام وضعه كيف صاير= حالته يرثالها ويعيش ساعات ٍ مريره
النُصيري ياعرب بإخوانكم سوّى النكاير= هو حقير وصفّقت له عالم ٍ مثله حقيره
شجعوه الصين يوم الروس منهم جاه زاير= ومن بلاد الفرس ملعون الثوى مدهون سيره
ناهج ٍ منهاج ابوه ومع طريق العود ساير= من قراء التاريخ يلقى سيرته مذموم سيره
إنتهك بافعاله القانون وأعراض الحراير= شي مخزي وإن سكتنا ياعرب عيب ومعيره
لعن ابو مجناه باد الشعب وألحق به ضراير= والله أعلم مقبل الايام وش يصبح مصيره
البيوت تهد وتهد المساجد والمناير= ويش عذر ٍ نعتذر به ياعرب شبه الجزيره
شعب ٍ أعزل دمهم مسفوح وأشلاهم تطاير= من نظر بعض المشاهد صابته بالقشعريره
والخطيه ماهي إلا شعب يطلب حق ثاير= ومن حقوق الشعب لا اخطاء حاكم ٍ يختار غيره
وين حيين القلوب ووين حيين الضماير= وينكم ياهل الرشاده والعقول المستنيره
سانْدوهم يادٌعاة الحق واصحاب البصاير= وايقضوا من كان نايم وأزعج الناس بشخيره
مايخلّي من تبع سنة محمد غير باير= ادعموهم بالدعاء والمال وسلاح وذخيره
أوقفوا تكفون ضده لو تكبدتوا خساير= لين بشار النُصيري يشهد نجوم الظهيره
آه يامحلاه يوم ٍ فيه تاصلنا البشاير= ساعة ٍ فيها يشيّع تعتبر ذكرى شهيره
والتقارب ياعربنا يجمع قلوب ٍ نفاير= والتكاتف والتعاون فيه خير وفيه خيره
ياعرب ليه التشاحن لين صارالدم فاير= وليه نتبع تايهين الراي عميان البصيره
تختلف وجهة نظرنا ولا نطيع لشور شاير= وبكذا معطين فرصه للعداء جتنا مغيره
ومن صغاير يالله أني زابنك نصنع كباير= واليسيره حايرين بحلها قبل العسيره
واليدين من الحلول خليّ وعضود ٍ فتاير= والحبال قصار والماء اللي نرد له غار بيره
مالنا غير الله المعبود جبار الكساير= يانصير المسلم اللي مالقى غيرك نصيره
ياعليم ٍ ما يخفّى بالصدور من السراير= يامليك الكون كله يابديعه يادبيره
يالله أنصر كل مسلم ذاق من وقته مراير= يامفرّج كل هم قلوب وصدور ٍ حشيره
قالها اللي خاطره محزون ودموعه نثاير= شاعر ٍ بشعور مسلم ساقته للدين غيره
"""" وسلامة الجميع """"
|
حمد الضوي صح السانك ملايين
صح السانك حتى ترضى
صح السانك على كل حرف من هذه القصيده الشامخه والجزله بجزالة حمد الضوي
صح السانك يالشاعر المخضرم
صح السانك ياشعر الأبداع ... أقف أحتراماً لك ولماخطيت يارائع وياراقي
حقيقه يخوني التعبير أمام هذه الملحمه الرائعه مدري وش أقول معذرتاً
لك مني جزيل الشكر والتقدير
16/02/12, (01:26 AM)
رد: {{ ياعرب شبه الجزيره }}
العرض المتطور
