اليوم انا ودي ابارك واهني

[فــرج الدهمشي]

ابارك واهني صديقي وزميلي الشاعر الرائع /حشر الغضيان
بمناسبة ترقيته من رتبة نقيب الى رتبة رائد في شرطة حائل
الف الف مبروك ..

اليوم انا ودي ابارك واهني = واكتب تباشير الفرح والقصايد
في ترقية شخص عزيز واغني = يومه ترقى من نقيبٍ لرايد
مبروك لك تاج بكتفك يحني = ياصاحبٍ فيك الفخر دوم زايد
والنعم مني مع حروف ٍ حوني = خصت (ابوياسر) به الطيب سايد

جينا نزف اسمى التهاني بطرياك = واصدق مشاعر بالقوافي تهنيك
اليا حضرت بفعلك القول سماك = ولاغبت كل المدح حاضر بطاريك
الطيب والهقوه من ادناك لأقصاك = يالشاعر اللي صادقاتٍ معانيك
تستاهل الرتبه على طيب مبداك = وافي وربعك بالمواقف تهقويك
ساس الوفاءوالطيب سيف ٍبيمناك = اللابة اللي بالمواجيب توفيك
مادام اسمك حافظ ٍطيب معناك = واسمك سما لأطيب معاني مسميك
وسلايل الويلان مثلك وشرواك = يالوافي اللي نفتخر في مباديك
كل ما كتبتك زاد شعري بذكراك = ياللي طوال وشامخات ٍمراقيك
ما اقول غير الله يعزك ويرعاك = وتحقق احلامك وتكمل مساعيك

[ابراهيم السلمي]

صح الله لسانك


مبدع ومتالق في نفس الوقت

يستاهل الممدوح ماكتب فيه


وتستاهل الشكر والتقدير


اخوك


ابراهيم السلمي

[سالم العنزي]

يستاهل الشاعر الكبير والانسان القدير : حشر الغضيان

فرج الدهمسي صح لسانك على هذه الابيات وشكرا لك ولاهو غريب الوفاء منكم

[سعود المسعودي]

فرج الدهمشي

صح الله لسانك


يستاهل الممدوح ماكتب فيه


وتستاهل الشكر والتقدير

[نافع عيد الجديد]

صح لسانك ملايين ولايكفون
ويستاهل المدح حشر الغضيان
والف مبروووك لابن العم الترقيه وعقباله المراتب العليا باذن الله
رعاك الله

[حمد الضوّي]

فرج الدهمشي


صح لسانك وبيض الله وجهك على هذه الشامخه وهذا الخبر السار لنا جميعا ً
وهذا دليل على وفاءك والوفاء لايستغرب من أهله ونعم بك وبالشاعر القدير/ حشر الغضيان
وهو يستاهل المدح والتهنئه ونحن بدورنا نبارك له هذه الترقيه وعسى أن تكون
عون ٍ له لاعليه ونتمنى له التوفيق الدائم





تحايا

[سعد النفج]

فرج الدهمشي ..
صح لسانك و ابيات جميلة في شخص يستحق الثناء و في مناسبة اسعدتنا جميعاً ..
حشر الغضيان ..
الف مبروك الترقية و تستحق ذلك بإذن الله ..