ياصاحبي ياللي خذتك المغريات

[غموض الشمال]

هدوء .. عندي شـي يحتـاج التفـات
من خاطـرٍ مـا كـل شـي يعجبـه !!

قدلي .. وانا ساكـت ومليـت السكـات
امتر الموضـوع وارجـع واحسبـه !!

هـذي نصيحـة اخ وخذوهـا وصـات
والعاقل اللي عـارف وش مكسبـه !!


يا صاحبي يا اللي خذتك المغريـات !!
العمر مـره .. والمواقـف تجربـه !!

يعني هي الدنيا كذا .. عطني وهـات !!
فاسمع كـلام مـا عرفـت آرتبـه !!

في ذمتي مـا عـاد رحـت مجمعـات
لان الرجل درب الرداا مـا يقربـه !!

لا تقول لي فيلاجيـو .. ولا الحيـاة !!
علي الحرام انهـا سـوى فالمرتبـه !!

كاشخ .. ومن كشختك تكـره الاتفـات
من لا يعرفك .. قال مكسـور رقبـه !!

ذبحة روحك .. والعرب راحت وجـات
لا حزت لك نظره .. ولحدن ينتبـه !!

ما غير بس تـدور وتطـرد بنـات !!
يا بعدها بعداه قولـت (( مذربـه )) !!

لو ان حدن سوى بهلك نفـس السـوات
يمكن تسوقه بقـس .. ولا تضربـه !!

يعني بنات النـاس .. حـق مغـازلات
ولا هلك .. عن هالـدروب مجنبـه !!

ياخي المحلات احفظـو شكلـك ثبـات
ووجهك غداا وجه معروف ومشتبـه !!

دارس دروب السوق من كـل الجهـات
وحافظ .. ممـر وزاويـات المكتبـه !!

ابكي اللي لا شافوا كذا طارف عبـاة !!
سوو مسيـره .. فالمجمـع وأجنبـه !!

وين الرجال اللي لشوفتهـا طـرات !!
اللي يحشم .. اسمه وربعـه ونسبـه !!

[~ اغبى رجل .. اللي لا شاف البنت مات
واذكى رجل .. ما كـل زول ٍ يجذبـه~]

كنـك تبـي تختـار .. دور فالصفـات
لاشكال ما تنفـع .. رفيـع المرتبـه !!

كم واحد من خلقتـه .. راهـي سمـات
والى بخسته .. قلـت لحـد ٍ يقربـه !!

يا صاحبي يا اللي خذتك المغريـات !!
العمر مـره .. والمواقـف تجربـه !!

واللي يحسب ان الرجوله .. فالبنـات !!
علي الحرام انها مهـي بعنـد شنبـه !!


لحمد البريدي المري


رااااقت لي وبقوووووه

[صالح الأسود الجعفري]

غموض الشمال

سلمت يداك ع الانتقاء المميز
دمتي بخير

[غموض الشمال]

تسلم اخوي صالح
شاكره لك مرورك العطر
تقديري لك

[الرااايق]

صدق الشاعر......... وياكثرهم في هالزمان

طاب ذوقك شاعرتنا الجميله

مودتي,,,,

[غموض الشمال]

مشكور اخوي الرايق على مرورك الجميل

تقديري لك

[مشاعر شآمخه]

عزيزتي
مسآآئك سعآده ورآحة بآَل
آنتقآء رآئع
آلله يعطيك آلعآفية
مترقبة جديدك
لقلبك عقود السعآده

[اسيرة الزمن]

صح لسان شاعرها وتسلم يمينك على هذا النقل الرائع

تقبلي مروري وتحياتي