اقتباس:
|
المشاركة الأصلية كتبت بواسطة المزيني
رغم السهر رغم التعب رغم الارهــــاق = قابلت انا الكيبــــورد رهــن القصيــــده
اكـتــب عــن اللـي بالضمـايـر والاشواق = لاأنقــص الاحســـــــــاس ولا أزيــــــده
مابيــن شــوق وحــزن واهــات وفـــراق = وجــرح(ن) جميــع الادويـــة ماتفيــــده
وعـلى عيـون(ن) شفتهــن ماهن ضـواق = هــن والخــدود وويــل مـن هي تصيـده
والا الكفــوف اللي تـقــل نــوض بــــراق = يلعــج وبـانت لـي مــن الـكــم إيــــــده
شـفـتـــه وانـا مـن قبــل والــه ومـشتــاق = كـنـت انـتـظــر للعيــن شوفـه سعيــــده
واقـفـت وركـبـت ثــم بان اسفـل الســــاق = وشـي(ن) ذبـح مـن شـافهــا مع وريـده
اقـفــــــت وخـلتنـــي وبالقـلـــب دقــــــاق = ولامقصــده ذبحي ولاهي تــــريـــــــده
وراع الهــوى لــو عاند الشــوف باطراق = طـبعــه يغلبــه والصبـــــر مـايفيــــــده
يطــرق نـظــر عـيـنـه عـلـى مـنظـر لاق = ويـنصــى مـداهيلــــه ولـو هي بعيــــده
ولـو كـان دونه بحــر وامــواج واغــراق = يجــزم عـلى خـوضــه ولو مات سيــده
الـبيـــــض للــي ذاق والـلــي فـــــلا ذاق = مــن صــوبـنــه راح مــالــه شــــريــده
يـاويــل قـلـب(ن) قـاوم الشـوق مـاطــاق = والشــوق لاغــربــل فعــولــه فـريـــــده
وخـطـو الـنحور الـلي تقـل حــزة اشـراق = يـاويــل مـن مـوتــه باطـاريـف جـيــده
لـو هـي مــن اللي مـرتعــه وســط الاســـواق = والله مـابيـهــا لــو عـطتـنـي بــريـده
ولـو هـي مــن الـلي مالهـــــا أي ميثــــاق = ماتصـيـر لـي رغـم المـفاتــن طـريــده
هــذي جمـــال وذوق واداب واخـــــــلاق = ولـه سـيــــرة(ن) بـيـن الصبـايا حميـده
الله يالاقـــــدار لــــــه حـكـــم ســبـــــــاق = ماتخالفـه نـفــس(ن) ولــو هـي عـنيــده
والله يـاحــظ(ن) بــراعـيـــــــــه بــــــواق = مـواقــف الـخــذلان عـنـــده عــديــــده
كم واحــــد(ن) عـن غـايـته صار منعـاق = تـبـطــي بــه الاحــــلام يامــا تبيــــــده
|
الاخ العزيز /المزيني
صح لسانك وسلم بناك على هذا الابداع الفريد
لك كامل الاحترام والتقدير ودمت بعز
25/02/06, (10:15 PM)
العرض المتطور
