الا انت يابن سعود للشيخ راشد آل خليفه ورد السامر عليه

[عبدالرحمن اليمني]

يتبعموضوع القصائد الي بكتبها لكم يدور حول الصداقه
وما ادراك ما الصداقه ويتكلم بشكل عام عن
وقفت الصديق لصديقه , وعن نوعية بعض الصداقات
في هالزمان , واتركم مع القصائد ومن معناها سوف
تعلمون مفهومها

***وهي على وزن و قافيه وحده وموضوع واحد

هذا القصيده للشاعر الكبير /الشيخ راشد بن عيسى ال خليفه
وهي طويله جدا وكتبت لكم جزء منها
وهي بعنوان
(الا انت يابن سعود)

وهي تقول:

زان الجديد وشاقني صوت وعتاب – مـــن داعــي فــي تــالـي لامـــــي
يلحي بصوته يرتجي الوقت لاشاب – يفـزع عقب عج الرمك والكتامــي
قلت الخبر قال اشبلا الوقت ماثــاب – كيف انتخي به.. واعتذر مايكامـي
ماعـاد بـالدنيـا مـواجيب واصحـاب – ااه اقـفـت ... واعـليهـا السـلامـــي
ولـديت واثـري بيننا ستـر وحجـاب – شـوف المدى والليل صوته حلامي
عــاشرت بـالدنيـا بعيـديـن واقـراب – ولحقت عجلات النضا في مرامـي
وسهرت ليل ودست قيعان وهضاب – امشي وروحي ماضناهـا هيــامـي
والـيـوم كـنـه بـأوسط الجوف لهـاب – اسـأيـره ميــر البـحر صار طـامي
كـن الـزمن يمشـي بتقنين وحســاب – ويـمضي عـلي اليوم باعـداد عـامي
ودورت صاحب بين خلان واغراب – كـلــن بفـاله واخـتــفـى بـالزحـامي
مـافيهم الـي ينـثـنـي وقـت الاكــراب – يـشـيـل لامـالـت حـمـول الجهــامي
الا انت يابن سعود ياعرب الانسـاب – مـن فوق صدرك لـلمراجل وسامي
بـالمرجلـه والجـود والسيـف وكتــاب – اهــلـك تــعـلو نــايـفـات الـزوامـي
وبالمجـد والعفـه وتـقـديـر الاجنــاب – ومـاتـقطع الـداني وصول الرحـامي

وسلامتكم...
وهذه القصيده اهداها الشيخ راشد للشاعر الكبير
سمو الامير / عبدالعزيز بن سعود بن محمد بن عبدالعزيز ال سعود (السامر)

ورد عليه سمو الامير بهذي القصيده وقال:

وهي بعنوان:
(راشد رفيع المقامي)

المبتدأ يالله يارب الارباب
ادعيك بأسماك الجزال العظامي

يامنزل سورة تبارك والاحزاب
يافارض حج الملا والصيامي

ياواحد بيديه غلقات الابواب
انك تبلغني وصول المرامي

كان الليالي غيبها كالح الناب
وفتق على سود النوايا الكمامي

وراح الخبل يدحم بجنبه ولاهاب
وساقه على حق الرجال الغرامي

وهو بعد ماله مع الناس مشراب
ولا قد شرب صافي نظيف العجامي

وخلاف ذا جاني من الشيخ هنداب
راشد ولد عيسى رفيع المقامي

في طي قاف طبن للألباب
يارد على المعنى ورود الحيامي

حي الكتاب وحي ماجاب نجاب
حيه عدد ماياردن الظوامي

حيه عدد نجم الظهر عقب مغياب
وعداد مايمطر صدوق الغمامي

وعدادي ماتمشي الركايب بركاب
وعداد ماطار الجراد التهامي


وعداد ماصالوا طويلين طويلين الاشناب
بظهور حيلن مثل ربد النعامي

حيل لها مع صحصح القاع ضبضاب
مكتوب فوق اكوارهن العدامي

ترحيبة الشفقان لاشاف من غاب
غيابن تقطع من وراه العلامي

مانيب فالترحيب وجلن ومرتاب
اهلا يابن عيسى كريب الحزامي

من دون حده مثل ابا زيد وذياب
يفك حقه مايبي له محامي

ماشال سيف العز بيديه نصاب
يضيم خصمه مايجيه انهضامي

ماقلتها قصدي مجامل وكذاب
مصداق قولي راس حد الحسامي

وسلامتكم...


ومرت ايام على محاكيكم عصيبه من جميع النواحي
من ناحية الصداقات وخيانة الاصدقاء وارسلت
هذي القصايد لواحد من اخوياي وهو
الشاعر الكبير/سعيد بن وسام الدوسري
وارسلتها له عن طريق الجوال ورد على
بقصيده من كلماته وهي بعنوان
(طاب القصيد بذكرنا هاك الاحباب)

وهي تقول:

طاب القصيد بذكرنا هاك الاحباب – وابدى به العنوان وارسل سلامي
مـنكـم لـفانـا ياعريـبـيـن الانـساب – عـلمـن هـلابه عـد وبـل الغـمامي
عـلمـن تـعـلى كـنه بـراس مـرقــاب – عـيـت جـفون العين منه المنامي
حـي الكـتاب لاطـرى فـيه العـتاب – طـريا المها من على الصيد هامي
مانجـهل بطيب من طبعـهم طاب – طيـبـن باهل المـدات طبع الـدوامي
وابـشر بقـلبن صـادق الود ماهاب – حـيـلـتن ضعـيـفن حالها بالمـلامي
وكـانك يابوسليمان وجلن ومرتاب – خلك على الهقوات وافطن لكلامي
وتـبقى يابوسليمان سيد الاصحاب – مـع خـالص التقدير وكل احترامي

وسلامتكم...

فلما جتني هذي القصيده تحمست
وفضفضت لصديقي العزيز ابو وسام
بهذه القصيده وهي بعنوان:

(ياما حلا ردود بعض الاصحاب)
وهي من كلماتي انا ابو طلق
الشاعر الكبير/ فايز بن سليمان

يـاما حـلا ردود بـعـض الاصـحـاب – الـي لـها بالـقـلب شـوق وهـيامي
اخـويـا لـنا ولقـلوبـنـا قـراب – ومـن خوتـهـم نرفــع الــراس والـهـامـي
سـعـيـد جـاني منـك حـلـو الـجـواب – وبـرد عـلـيـه بـبعـض الـكـلامــي
ليـتني انا ويـاك بـراس مشعـاب – والا بـفـياضن بهـا الـنفل والـخـزامي
نـسـى زمـانــن مـاعــاد بـه اشــنـاب – ونـتــرك ورانـا ســود الايــامـي
شيـن بالـقـلب يشعـل فـيني لهـاب – وشـيـن فـيـني اصبـح الـيـوم حـامـي
اليـوم بـيني وبيـن الفرح مليـون حجاب –وامـشـي وانـا اعـض بـبهـامـي
شاب الشعـر وانا توي صغـير وشاب – وروحت ناسن لها بقلوبنا مقامي
والـرجـل الـيـوم بـيـن العـرب ينعـاب – يقـلـب هـمـومه غـربـن وشـامي
وابـن الرخـم معتلي سهول وهضاب – ومن شيـن نـفسـه يبخل بالسلامي
وتـلـقى ذيـله بيـن الـناس لعاب – وعـلى الـردى يـبـني طمـوح واحلامي
بالمكـر والـمخادع مثل الثعل بالغاب – وبمحـايـل الـناس يـنـوي العدامي
والـذيب يـحـشـم مـن ذيـك الكـلاب – والـحـر مايـتخـاوى ويا الـنـعـامــي
يـابـن وســام يـاســبـع الــذيــاب – يـلـي بـالـمـرجـــلـه تـمـلـك وسـامــي
نشتاقلك شوق الشايب لأيام الشباب – ولك عندنا غلا يزداد في كل عامي
مــنك الـمــــوده نـفـــتــحلها ابـواب – وعـلـى غـــلاك والله مـا انــلامــي
عـزي على قـلبن برمح الحياه منصاب – تجيه اوهـامـن بعــز الـمـنامــي
والـيـوم انـا والزمن طــالب وطــلاب – ابـيه يقـرب رفـيقن غلاه بعظامي
انـتخي بــه والظن فيه ماخاب – دامك ياكحيلان للشهامه تكـرب حـزامـي
ولـك مـني يابــو وســـام ترحاب – عــدد مـاصـلى كــل مســلم وصــامـي
وعـداد مامـر بالـسـماء مـن شهاب – واضـعـاف نـجـومـن شـفــتها قـدامي

وسلامتكم....

واتمنى ان يحوز الموضوع على رضاكم
واعجابكم...