لاتذرف دموعك على جال قبري

[العنود حسين]

شفتك معه تمشون بالسوق واغضيت
ذكرت حبـن بيننـا كـان عـذري
والله لو تدرين وش عقـب سويـت
ما طاوعك قلبك علـى شيـل وزري
انتـم تعديتـوا وانـا مـا تعديـت
عجزت اسير وضاقت الارض حدري
انتـي حسبتينـي لمحتـك وقفيـت
وانـا شجونـي ثايراتـن بصـدري
ردتنـي الصدفـه لوقتـن تناسيـت
يوم ان حبك با الشراييـن يجـري
ايـام فيهـا حبنـا عالـي الصيـت
لا واحسايف حبنـا ضـاع هـدري
نسيت وقتن فيـه لا زرتـك البيـت
تبدأ تهللي يـا بعـد كـل عمـري
نسيت قولك يا بعـد حـيِّ و ميـت
عاهد واعاهد لا يجي منـك غـدري
نسيت حلفي يومي اقسمت واثنيـت
اني ما خونك وانت بالحـال تـدري
وعاهدتني واخلفت وانكرت واشقيت
وانا احسب انك عارفٍ ويش قـدري
يا ما على بالـي ودنيـاي عزيـت
وياما فديتك باجمل ابيـات شعـري
ياما من ابيات الغزل فيـك حطيـت
اتخيل انـك ناويـن يـوم هجـري
ظني صدق جاني خبر ويش سويـت
انت برضاك اظلمت ليلي و فجـري
لا تعتذر ما لك عـذر لـو ترضيـت
عمر الهوى لا ضاع ما فيه بـدري
ولا تسكب دموع النـدم والتناهيـت
وانت السبب باللي جرى لي ويجري
كان انت مستانس انا مـا تهنيـت
يشهد على شكواي دمعي وسهـري
وان كان حظك جاب لك مـا تمنيـت
انا حظيظ بـزود حلمـي وصبـري
يللي علـى حـبِّ عزيـزن تعاليـت
لا تذرف دموعك على جـال قبـري
لشاعر احمد الجريفاني

[غموض الشمال]

صح لسان شاعرها

وتسلم ايدينك يالغلا على روعة الاختيار

تقدير لكي

[مشهور الرشدان]

العنيده

صح لسان شاعرها وتسلم يمينك على نقلها تحيااتي

[العنود حسين]

غموض الشمال

حياك الله شرفتني في موضوعي

دمتي بخير

[العنود حسين]

مشهورالرشدان

هلا ومرحباالله يسلمك

دمت بخير

[بنت الكحيلا]

صح لسانك ولسان شاعرها

وتسلمين اختي العنيده على اختيارك الجميل

لك حبي وودي

[العنود حسين]

الله يسلمك الغلا

وحياك الله دمتي بخير