أنشقه حلتيت و شوي صبره - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 31/01/11, (07:19 PM)

انا كتبتك جزل و أبيك تسري=اقطع ظلام الكذب في وسط نحره
الناس تدري بس ما الناس تطري=و أنا با أقول الصدق لو كان يشره
الشيخه الي كذب و الكذب مقري=خلتك بأعلى قمم مليان كبره !!
تكشّفت أشياء و الصدق محري=فاحت قدور الكذب لاخماد جمره
ترا لباس الكذب لباس يعري=و كلن يبيله ستر من فوق ستره
تمشي مع الخطرات من دون تدري=و اطشك الهبات في وسط حفره
أنته و مثلك آنيه دون تمري=يا زين قول الحق في ناس تكره
البساكم مليان من كل عطري=و العفن ما يرفعه شكله و عطره
لن تاصلون لطيب وصلوه كثري=حتى دخول الوضح في سم ابره
لو تنقر الغربان و تموت نقري=عرنان باقي ما انكسر فيه صخره
منتم مثل شيخ بالأفعال يشري=طيبن يبقي ذكره لبعد قبره
الي مثل للنهر يسقي و يجري=كالنيل بين الناس منذاع ذكره
النيل ذا الي مدلعن كل مصري=الي على ساحله جون و خضره
الناس مختلفه هذا أمر فطري=نق النبات الزين يجيك ثمره
لا تصير للأقلام أداه تبري=ما يطيقك الا بس لإصلاح كسره
أنا رفيع القدر و أنذال ما أشري=كان الرفق تغير و صار تجره
أبيع أنا الهندي بأسعار تغري=و ان ما شروه يروح بلاش بكره
و ان كان مجنونن فيه علاج حصري=أنشقه حلتيت و شوي صبره

**فايز الفايز** · 31/01/11, (07:50 PM)

صصصصصصصح لسانك

واحساسك

يابن هويدي

كتبت وابدعت بما كتبت

سجل اعجابي بهذا النص الشامخ

وكما عودتنا ياخوي مشهور

بأنك لاتاتي الا بما هو شامخ

تقبل مروري المتواضع

دمت بـ خ ــير

**فهد السلقاوي** · 31/01/11, (08:17 PM)

صح لساااااااااااااااااااااااانك

ملايين

مبدع

مشهووور ولاهو غريب التميز عليك

دمت بود

فهد السلقااااوي

**نايف هويدي العواجي** · 31/01/11, (08:50 PM)

صح لسـانك يا مشـهور
كتبت فاابدعت لله درك يا ابن هويدي
لاهنت على هذا الابداع الغير مستغرب منك
تقبل مروري وتسجيل اعجابي

[/IMG]

**حمد الخمعلي** · 31/01/11, (10:21 PM)

الاخ القدير

مشهوور الرشداان

تسلم وصح نبضك

كُن بخير

**ابو غريب العبدلي** · 31/01/11, (11:25 PM)

الشيـخـه الــي كــذب و الـكــذب مـقــريخلـتـك بـأعـلـى قـمــم مـلـيـان كـبــره !!

تكـشّـفـت أشـيــاء و الــصــدق مــحــريفـاحـت قـــدور الـكــذب لاخـمــاد جـمــره

تــــرا لــبـــاس الــكـــذب لــبـــاس يــعـــريو كلـن يبيـلـه سـتـر مــن فــوق سـتـره

صح لسانك يالشيخ اشهد انك شيخ مشهور قصيدة رائعه تدل على المعدن الاصيل والشموخ لديك لله درك ياخوي سجل اعجابي بك ويالغالي

اخوك النجادي

**سالم صالح** · 01/02/11, (02:41 AM)

مشهور الرشدان

صح السانك وكلك على هذة القصيدة الجميلة والمميزة

تقديري لشخصك الكريم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري