على اللي غلاه يسابق الدم فالشريان

[نافع عيد الجديد]

ياراسي عسى الله لايحدك على اي انسان
وياعزمي تقـوى وانطـح الشـده بشـده

وياقلبي تصبر عـادة الصبـر والسلـوان
تواسي قوي البـاس لـو الزمـن ضـده

وياعيني لاترجين المقفي نظـر واحسـان
مـادامـه مقـفـي بـيــن وده ولا وده

ترى الضيق ضيق القبر ماهوب في الأوطان
مادام العـزوم اعـزوم والارض ممتـده

والى قفت الاضعان عن باقـي الاضعـان
يجي يـوم للضامـي يعـود علـى عـده

وش امحق من الخـلان لاقفـوا الخـلان
وتواصوا على الهجران والبعـد والصـده

وش امحق من الخبلان غير اخبل الخبلان
الى من بدوهاا مزح واليـا انتهـت هـده

حسيبي على اللي صد عني وانـا شفقـان
بدها تغلـي واعلـن الهجـر مـن جـده

يبيها على الذرعان واخطت من الذرعـان
وتنصـت معاليـق الحشـا لعنبـو جـده

الا ياوجـودي وجـد مـن حـده الديـان
ولافـي يدينـه شـي والديـن لـه مـده

مابين الفقر والديـن والسجـن والسجـان
ونـاسٍ الـى منهـم دروا قالـوا مسـده

على اللي غلاه يسابـق الـدم فالشريـان
احـس ان غـلاه يسابـق الـدم ويحـده

بنينـا الغـلا بالشـوق والـود والتحنـان
اليـن الغـلا فصدورنـا وصـل لحـده

وتعاهدت انـا ويـاه مانطـري النسيـان
وخذانـا العنـاد وكـل مابينـنـا هــده

واذا كان كـل اللـي بنينـا بـلا عنـوان
فلا خيـر فـي ودي ولاخيـر فـي وده

وانا ماني اللـي لاحلـم قالـوا العربـان
لاتحلـم بشـيٍ منـت حولـه ولا قــده

اباقف واديـن الوقـت واحاربـه لاشـان
ولابـده يـدور الوقـت ويزيـن لابــده

وبصبر على الهجران لو طول الهجـران
واذا لي نصيـب يـرده الوقـت بيـرده

يقولون جـده غيـر عـن باقـي البلـدان
وانا اقول هذا فـي عيونـي مثـل جـده



سالم بن جخير

[احمد الضوي]

صح لسانك ولسان شاعرها
قصيده جميله اعجبتني
تقبل مروري

[أبو غرام]

الله عليك الله

وصح الله لسانك ولسان القائل

اختيار موفق للغايه اخي

[غموض الشمال]

صح لسان شاعرها
ويسلم لنا ذوقك مشرفنا القدير

تقديري لك

[صلاح الاشجعي]

صح لساااااااااااان الشاعر

الله عليك وفقت في الا ختيار بنتظار الجديد

[احساس قلم]

ااااااااالله عليك
صح لساانكـ ولسان شاعرهاا
دمت بود دوماا