احساس كـ الشعري في ورطة (كاتب الجعفري)

[غموض الشمال]

الشاعر كاتب الجعفري
صح لسانك أخوي
كتبت وابدعت واتحفت
الله لايهينك على هالابداع
تقديري لك

[سالم صالح]

كاتب الجعفري


صح السانك ماقصرت وكفوا على هذة الاجابات كفيت ووفيت بيض الله وجهك


تقديري وودي

[كاتب الجعفري]

ماجد الشملاني

غموض الشمال

سالم صالح

شرفنا مروركم لاهنتوا

تحياتي

[احساس قلم]

المشاركة الأصلية كتبت بواسطة كاتب الجعفري

المجموعه الثانيه



1- الطيب أساسك و الفخر للي يماشيك ، و الذوق شخصك ، و يا سعد من هو يخاويك

وش إحساسك لما يوصلك هذا البيت على جوالك وش راح ترد؟

لاهنت ياللي لي بعثت المراسيل= من طيب راسك محتفظ في مباديك

افخر بذكرك بين جمع الرجاجيل=واللي تشوفه بي انا شايفه فيك

2- امامكـ صورة عبر عنها ببيت او بيتين شعر

عند العرب فيما مضى عالي الشان=وزاد المسافر عن لهيب القوايل

ولاعاد لك في تالي الوقت ميزان= خلوك منظر وسط دوار حايل

3--ارجو مجاراة كل بيت من الابيات التالية مع الاحتفاظ بشروط المجاراة(الموضوع -الوزن-القافيه-البحر)؟؟





الوزن هو البحر هههههههههه اما هي ورطه







1-يوم الله اشقاني تجملت ما طيق ............. همٍ وغمٍ لو يصيب الجبل ذاب

لو ربع همٍ صابني صار بطويق ............. ذابت ركـونه ثم جالـه تذلهاب

طبع الليال تقتلب يامخاليق=ولاني من احداث الليالي بمرتاب

لوبعض ماجاني من الهم والضيق=صاب الرضيع اللي بسن المهد شاب

2-قولوا لبيت الفقر لايامن الغنا = 0000 وبيت الغنى لايامن الفقر عايد

ولايامن المضهود قوم تعزه =0000 ولايامن الجمع العزيز الضهايد

قولوا لراع المال لايامن الفنا=ترى المال ماياقاه ظلم اللحايد

وصهيون لاتامن من اطفال غزه= فلابد من يومٍ على النصر قايد

3-حبي بناللك وسط قلبي عمارة........... وايضا بعد تحت العامرة دكاكين

وفتحت فالدكان معمل نجاره= من شان ينحت لي على الباب قلبين

4-بصراحه ماهو اصعب سؤال واجهكـ في هذا القاء؟

الاسئله صعبه وانا اندار راسي= ولاهدى الا بعد حبة باندول

الاجوبه تحتاج وقتٍ قياسي=ومن المجارى ضاق باحساسي الجول

5-واخيراً بيت من الشعر تهديه للمنتدى؟

يابيتنا اللي نجتمع تحت ظله= على الوفا والعز والمجد والطيب

ودمت بود شاعرنا الرائع

واتمنى اني وورطتكـ هههههههههههههههه

مع اني انا الي حسيت اني متورطة معكـ

تحيتي لكـ

احساس ياورطة الورطه= ضاقت من اسئلتك انفاسي

اكيد ما اسلم من الغلطه= لكن هذا هو احساسي

الشكر الجزيل لك ِ اخت احساس على جهودك الجباره واعتذر عن التقصير .

اولا الف سلامه عليكـ يالمبدع من وجع الراس
وتبي الجد كان ودي بتوريطكـ اكثر واكثر
بس عاد الموضوع له قوانين
احكمتني
ووانا جد تورطت كيف اورطكـ ههههههههههه
فقط صح لساانكـ ملييون ولا يكفون واشكر لكـ رحابة صدركـ
ثانياا: الف شكر لكل من مر من هناا
واسعدني بمروره
واشادته للموضوع وانتظروني مع متورط اخر
<<<ريضه ههههههههه

[أبو غرام]

الله عليك الله يالمبدع

انا اشهد انك كفيت ووفيت

.
.
.



2-قولوا لبيت الفقر لايامن الغنا = 0000 وبيت الغنى لايامن الفقر عايد

ولايامن المضهود قوم تعزه =0000 ولايامن الجمع العزيز الضهايد








قـولـوا لــراع الـمـال لايـامــن الـفـنـا
تـرى الـمـال مايـاقـاه ظـلـم اللحـايـد

وصهيون لاتامن من اطفال غزه
فلابد مـن يـومٍ علـى النصـر قايـد




لله درك ايها المبدع

فلقد اتحفتنا ها هنا

وشكرا لكي اختنا احساس

على هذه الاستضافه

لكي وللكل الود والتقدير

[سالم العنزي]

احساس ياورطـة الورطـه == ضاقت من اسئلتك انفاسي
اكيد ما اسلـم مـن الغلطـه == لكـن هــذا هــو احسـاسـي

كاتب الجعفري

صح لسانك اجابات بثقه مطلقه ومقدره شعريه فذه

ابدعت فيما كتبت

[بدرفهد الجعفري]

ماشاء الله تبارك الله

كاتب الجعفري ابدعت في الاجابات الثانيه بثقه تامه

صح لسانك