احساس كـ الشعري في ورطة (كاتب الجعفري) - الصفحة 5 - °~*¤®§(§ شبـــكة ويــلان العـربـيـه §)§®¤*~ˆ°

**اميرة الحرف** · 18/06/10, (12:06 PM)

اقتباس:

4- لكل شاعر ملهمه سواء في بالواقع او الخيال . كيف يصف لنا الشاعر كاتب ملهمته (حبيته)؟

لاقابل الصف صف وصرت بين الصفوف
......................والنـاس يـم البنيـه لـدت انظـارهـا
نصمل على الموقف الغصاب دون الهنوف
...............اللي سببها المشاعـر هاضـت افكارهـا

الله عليها ملهمه
ونتمنى ان نرى ملهمتك معنا في منتدى الشعراء
فالشاعر شاعر سواء نظم او محاوره

لاتحرمنا من قصيدك شاعرنا الراااقي كاتب
فقد تعرفنا عليك عن قرب من خلال ورطة احساااس

صح لسااانك كاتب واشهد انك منت متورط ابد الله لايضرك

احساس شكرا لك

**نافع عيد الجديد** · 18/06/10, (02:12 PM)

الغالي كاتب الجعفري
صح لسانك ولاهو غيرب عليك الابداع فانت مبدع اينما كنت

اشكر صاحبة الفكره (الورطه)
دمت ودام التميز

**كاتب الجعفري** · 18/06/10, (08:19 PM)

المجموعه الثانيه

1- الطيب أساسك و الفخر للي يماشيك ، و الذوق شخصك ، و يا سعد من هو يخاويك

وش إحساسك لما يوصلك هذا البيت على جوالك وش راح ترد؟

لاهنت ياللي لي بعثت المراسيل= من طيب راسك محتفظ في مباديك

افخر بذكرك بين جمع الرجاجيل=واللي تشوفه بي انا شايفه فيك

2- امامكـ صورة عبر عنها ببيت او بيتين شعر

عند العرب فيما مضى عالي الشان=وزاد المسافر عن لهيب القوايل

ولاعاد لك في تالي الوقت ميزان= خلوك منظر وسط دوار حايل

3--ارجو مجاراة كل بيت من الابيات التالية مع الاحتفاظ بشروط المجاراة(الموضوع -الوزن-القافيه-البحر)؟؟

الوزن هو البحر هههههههههه اما هي ورطه

1-يوم الله اشقاني تجملت ما طيق ............. همٍ وغمٍ لو يصيب الجبل ذاب

لو ربع همٍ صابني صار بطويق ............. ذابت ركـونه ثم جالـه تذلهاب

طبع الليال تقتلب يامخاليق=ولاني من احداث الليالي بمرتاب

لوبعض ماجاني من الهم والضيق=صاب الرضيع اللي بسن المهد شاب

2-قولوا لبيت الفقر لايامن الغنا = 0000 وبيت الغنى لايامن الفقر عايد

ولايامن المضهود قوم تعزه =0000 ولايامن الجمع العزيز الضهايد

قولوا لراع المال لايامن الفنا=ترى المال ماياقاه ظلم اللحايد

وصهيون لاتامن من اطفال غزه= فلابد من يومٍ على النصر قايد

3-حبي بناللك وسط قلبي عمارة........... وايضا بعد تحت العامرة دكاكين

وفتحت فالدكان معمل نجاره= من شان ينحت لي على الباب قلبين

4-بصراحه ماهو اصعب سؤال واجهكـ في هذا القاء؟

الاسئله صعبه وانا اندار راسي= ولاهدى الا بعد حبة باندول

الاجوبه تحتاج وقتٍ قياسي=ومن المجارى ضاق باحساسي الجول

5-واخيراً بيت من الشعر تهديه للمنتدى؟

يابيتنا اللي نجتمع تحت ظله= على الوفا والعز والمجد والطيب

ودمت بود شاعرنا الرائع

واتمنى اني وورطتكـ هههههههههههههههه

مع اني انا الي حسيت اني متورطة معكـ

تحيتي لكـ

احساس ياورطة الورطه= ضاقت من اسئلتك انفاسي

اكيد ما اسلم من الغلطه= لكن هذا هو احساسي

الشكر الجزيل لك ِ اخت احساس على جهودك الجباره واعتذر عن التقصير .

**سعود المسعودي** · 18/06/10, (08:31 PM)

صح لسانك ياكاتب فقد كانت اجاباتك شافيه ووافيه

**محمد بن موسى** · 18/06/10, (08:35 PM)

قولوا لراع المال لايامن الفنـا
ترى المال ماياقاه ظلم اللحايـد

وصهيون لاتامن من اطفال غزه
فلابد من يومٍ على النصر قايـد

الرائع // كاتب الجعفري

صح السانك مدد بلا عدد

لله درك اخوي

تعجز الحروف اخي الكريم عن وصف هذا الابداع و التألق

سواً في مجاراتك او نظمك

مجمل ياكاتب وعليك بياض الوجه

دمت بود

**كاتب الجعفري** · 18/06/10, (09:30 PM)

الخالدي

بدر صالح الخلاوي

اميره الحرف

نافع الجديد

سعود المسعودي

محمد بن موسى

لاهنتوا جميعا وحضوركم تاج على راسي

لكم مني كل التقدير والموده والاحترام

**ماجد مفرح الشملاني** · 18/06/10, (10:08 PM)

صح لسانك

بارك الله فيك

تقبل مروري...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري