** ضبط اللسان يعد اكبر حصانه **

[بدر الخلاوي]

المشاركة الأصلية كتبت بواسطة ماجد الجعفري

السلام عليكم ورحمة الله وبركاته

اعضاء وزوار هذا الصرح العريق اليكم هذه القصيده

متمنياً أن تجد القبول في قلوبكم ..

((الصمت والحلم لغة لايفهمهما إلا الحكماء !)).....
.....................
.

للصبر حد وللميانه موازين =وللعذر حقه ياوصل في أوآنه
ماكان صمتي خوف دوك البراهين =للصمت مغزى عند اهل الفطانه
قد قيل إن الصمت نهج الحكيمين = وظبط اللسان يعد اكبر حصانه
بالحلم كم شيد صروح وميادين =وبالطيش كم رمزٍ تحطم كيانه
وإذا الثقه بالنفس متمكنه زين =يبقى قوي الباس ثابت مكانه
العز ينتج من طموح العزيزين = والذل ناتج عن مسار الاهانه
ويامندفع بالهرج مدري على وين =روض لسانك لاتطوح عنانه
إن كانها فرصه وجتلك على حين= لاتبرر الهفوة بعذر الميانه
الصدق مزبن للرجال الشريفين= والكذب حبله يوصلك للإدانه
النور مايكسف بوجه المصلين =ينبيك لاشفته بعظم الديانه
ويكشف ظلام الليل في بؤرة العين =الخيط الابيض لاتوهل مكانه
يعني تحذر لا تقااااوم قويين =تعجز تحدد ضربتك بأي خانه
للسيف حد يهاب منه الوريدين =يكفيك شره لا حضنك بحنانه
مادون حلق الادمي كود اليدين = لانه يسمى كف الايدي جبانه
ماجيت متغطرس وعكس القوانين =جيتك وانا مدرك حقوق الامانه
وحملك بيدي رسالة فطينين =الطعنه بظهر المقفي خيانه

وسلااااااااااااااامتكم

اخوي الغااااالي مااجد الجعفري
والله ماادري ويش اقول لانك اكبر من شهااادتي
ولكن صح لساااااااااااااااااااااااانك مليون ولا يكفون وسلمت ودمت .

[ماجد الغانم]

المشاركة الأصلية كتبت بواسطة بدر صالح الخلاوي

اخوي الغااااالي مااجد الجعفري
والله ماادري ويش اقول لانك اكبر من شهااادتي
ولكن صح لساااااااااااااااااااااااانك مليون ولا يكفون وسلمت ودمت .

الغااالي

بدر الخلاوي

اهلاً بك وحياااك الله
تشرفت بمرورك الكريم

وكل الشكر على اشادتك الراقيه واطرائك المميز

كلماتك وسام فخر على صدري اخي بدر

صح بدنك ..,ولاهنت

دمت بكل خير ...ودام هذا التواصل