يزيدني كل يوم الوقت معلومه

[عناد الغريب]

المشاركة الأصلية كتبت بواسطة صالح السالم

امطر سحاب القصيد وهل ديمومه=لين اعشب الشعر والتصوير بكتابي
من اول الوسم ممطوره وماسومه=واليوم تاتي فرايدها بلا احسابي
انا هدوئي وقار وقومتي قومه=تحكي بها الناس بحضوري وبغيابي
الريح لو ما تهيج البحر وتزومه= ما كان موج البحر يلعب بالاعصابي
يزيدني كل يوم الوقت معلومه=قساوته درس وعتابه لي ايجابي
والحربه اللي تجي للصدر مسمومه=اما من اعداي والا غدرة اصحابي
وان جمل الله افعال الرجل وعلومه=يسمو بذكره وتفخر فيه الاقرابي
وان شفت من جاء رصاص الغدر بقدومه=عن صحبته مزبني كتبي ومحرابي
ما كل صدري صبر لو كلت اعزومه=ولا اسرجت خيلي عليه وجيت بعتابي

الشاعر القدير صالح السالم

صح فكرك وتصويرك وصح لسانك وبنانك

نص اطلت الوقوف امامه لله درك ولايضرك

دمت للشعر ياعزيزي