معاناة الكسير *

[سعد النفج]

المشاركة الأصلية كتبت بواسطة خلف منور العنزي

إسمع جديد الشعر يا صاحب الوجـه المنيـر
يا فتنة الناظر و لا لـك مـع العالـم سمـي
غيرتني يا اول حكايـة غرامـي و الأخيـر
و خليتني خاتم و لكـن علـى شكـل آدمـي
من بعدها وشلون عنـي تـروح و تستديـر
و لا لقيت بساحتي غيـر طيبـي و كرمـي
عطني سبب مادام لك قلب ولسـان وضميـر
اليا متى وانا لـك اتْعِـب قصيـدي و قدمـي
علقتني ما بيـن حلمـك و واقعـك المريـر
وجه الحقيقه كيـف دونـك يغطيـه وهَمـي
و الجرم كيف القاه يطغى على قلب الصغيـر
و اهل النظر عاشت ظلام الزمن مع العِمـي
حتى الغني شفتـه يصـارع معانـاة الفقيـر
و الوادي الساكن .. من الفوضويـه محتمـي
و انا على دفن الشهيق و على نبـش الزفيـر
اضيق لين الدمـع ينـزل و يفـزع لنسمـي
انسى جروحي لين تجتاحنـي نسمـة عبيـر
و اذكر رحيلك و اسحب اوراق شعري و قلمي
اكتب حروفي بين ظل المشاعـر و الهجيـر
يمكن تحـس ليـا تذكـرت دمـي و لحمـي
واذا أمـرك الله تحـس بمعانـاة الكسـيـر
تعال .. تلقاني علـى درب عشقـك مرتمـي
حاولت ان اختار بيتا اعجيني ولكن ابداع رسمته لنا مشاعرك بكامل القصيدة صح لساااااااانك والف شكر على هالقصيدة التي اطربتني بحق .

خلف العنزي

صح بدنك

ولاهنت على مرورك الراقي ..

اسعدني حضورك

دمت بخير ..