ان كان نفسه في عيونه عنيده ـــــ لاينخدع نفسي تبيعه وتشريه

[عادل المرشدي]

مساء الخيرااات وكل عام وأنتم بخير
بصراحه اول مشاركه لي بهالمنتدى وبكل أمانه اللي دفعني للتسجيل بالمنتدى هالقسم لأني اكتب وأحتفظ بكتاباتي لنفسي وحيت اطرح مااكتبه للنقاد مع انها مجرد خزعبلات لاأقل ولاأكثر ماأطول عليكم

يــاقلب لاتشتـــاقله مـــو فقيــــــده @@@ خــــله يـــروح إبفــــاله الله يهنيــه

مادام هد اللي بنيــته بإيــــــــــــده @@@ ماهـــو كفوا تشتاقله أو تناديـــــــه

أموووت وماينقاللي من عبيـــــــده @@@ ويمووت ماجيته ذليــلاً انا أرجيـــه

إن كان نفـســـه في عيونه عنيـده @@@ لاينخــدع نفسي تبيعــه وتشـــريـه

وش عاد لو قلبي تقطع وريـــــــده @@@ وإلا الحزن أصبحـت انا من موانيه

إن جت على هالجـرح ماهي جديده @@@ مصير جرحي هاليالي تــــداويــــــه

والدرب اللي ماأبيـــــه ويريــــــــده @@@ بقطع طريقه قبل توصل خطــــاويه

وسلامتكم

[سعد النفج]

الرائع / عادل المرشدي ..
صح لسانك ..
لم أجد محاوله هنا .. بل وجدت ابيات جميله و راقيه ..


أموووت ( و) ماينقاللي من عبيـــــــده @@@ ويمووت ماجيته ذليــلاً (( انا )) أرجيـــه

.. الواو في الشطر الأول زائده ..
.. (( أنا )) في الشطر الثاني تعتبر حشو في البيت .. لأنها كلمه زائده و الغرض منها الحفاظ على الوزن ..
يعني لو قلت ( و يموت ما جيته ذليلاً أرجيه ) نفس المعنى بالضبط لكن الخلاف على الوزن ..

.

(((والدرب اللي ماأبيـــــه ويريــــــــده))) @@@ بقطع طريقه قبل توصل خطــــاويه
الشطر الأول فيه خلل بالوزن ..

.
المرشدي ..
ابياتك رائعه و جميله ..
اتمنى أن يتسع صدرك للملاحظات ..

و دمت بخير و بانتظار روائعك ..

[سالم صالح]

عادل المرشدي


صح السانك ابيات رائعة وجميلة ولك مستقبل رائع باذن الله


وملاحظات اخي / سعد النفج في مكانها وسوف تساعدك كثير لان النقد وتقبله هو من يساعد الشاعر على اتقان الوزن جيداً وهذا هو الاهم



تقبل تقديري وودي وياهلا بك بين اخوانك

[عادل المرشدي]

الأخ العزيز سعد النفج اسعدني كثيـــراً أتســاع صدرك لقراءة هذه الأبيات وإيضاح نقاط الخلل فيها
مليووووووووون شكراً لك على هذا الإهتمام وتقبل خالص ودي وتقديري

[عادل المرشدي]

الأخ سالم صالح
اسعدني مرورك والف شكر لك على الترحيب وإنشاءالله أفيد وأستفيد وأنا بين أخواني وأهلي
لك ودي