يا مشبع ايام السنه

[محمد خلف الزايدي]

المشاركة الأصلية كتبت بواسطة الجضيعي

بسم الله الرحمن الرحيم

يا مشبع ايام السنه لوم وعتاب=اشبعت انا مثلك اسنيني ملامه
ما غير ادق الباب وتقفل الباب=اللين صارت دقتي له علامه
ميقاف يعطيك التشبث بالاسباب=وميقاف ربع الشور منه سلامه
ياكثر ما عاينت بوجيه وأشناب=شي يهيل المهتني في منامه
أقراء عناوين الشقا بين الاهداب=وأعرف مجروح الزمن من كلامه
والبارحه ليلي هواجيسه انياب=هاجوس ضيم وليل حالك ظلامه
الصدر مزبان العنا والشعر شاب=والفكر موج زايد باللتطامه
واشرف على مرقاب وسيب مرقاب=وأعامل افكار الدهر بالصرامه
وأحاكي انفاس الهواء لين ترتاب=والحق مزامير الليالي ملامه
الينها طاحت مجرات واسراب=وراحت على ما قيل بالخلق شامه
دمعة حزن مدري بكاء جرح وعتاب=اللي بقى لي من زمان الندامه

خلف السالم

اخي الجضيعي ,,

صح لسانك والله ياخي مفردات تحطم القلب فعلا !
لأنها تتحدث من واقع تجارب وليس خيالا فميزة الشعر إذا نبع من حقيقه
صار مؤثرا بخلاف ماجبرونه الشعارعلى نسج الخيال فلله درك لقد
ابدعت وأجزلت . دامت ابداعاتك أين ماكنت وكما احببت

ارق وأعذب التحيه لكــ
ابو عبدالله